MAKI 3:16 - Yataa 'a Dɔbɛnɛ Nama

^16-19 Chisɔsi na‑a mɔ tan kun ma fea miin ya, ma koe a a fɛ, an fan nii nɛ. Saimɔn ni ma, Chimisi, ni a dɔɛ Chɔn. Anduu n fea Fiipi a, ni Batɔɔmiu. Matiu ni Tɔmɔsi. A yɛ to, Chimisi dɔndɔɛ wɛɛ, ni Tadayɔsi. Saimɔn dɔndɔɛ wɛɛ, ni Chudasi Isikayɔti. Saimɔn saa saa, a‑a min ya, a‑a tɔ dɔ gbɛɛ be wan a ma, a ɔ, Pita. Chimisi ni a dɔɛ Chɔn, an fa tɔ ni Sɛbɛdi. Chisɔsi‑a an bɛɛ tɔɛ si wan, a ɔ, banda mɛn kaminɛ nu. (Koe min na mu, an ni kosan koɔ‑a kaka). Chimisi dɔndɔɛ fa tɔ ni Afiɔsi. Saimɔn dɔndɔɛ wɛɛ ni mɔɛ an na, min ni a 'a chɛnyɛ ma chɛɛ chɛ tena. Chudasi Isikayɔti tana, an na‑a danka Chisɔsi ma tachɛ‑a.

MAKI 3:16 ပူးပေါင်းရင်းမြစ်များ

MAKI 1:16

Tee dɔndɔ a, Chisɔsi to‑a tachɛ an na, Kadidi yii wa fɛ, mbɛ a‑a kamin fea n yen, nyɛ gbainɛ a. Saimɔn ni ma, an fea a dɔɛ Anduu a, an mbe an 'na yaa a dɛ‑a yii ɔ.

MAKI 3:15

A sin to, a ɔ, ɛ gbasaya be‑a wan an ma, nyina yama n gbain koe a mɔɛ n fɛ.

DUKU 6:13

Banda ɔ ka‑a kɛn, a‑a a fɛ denɛ n gbɛɛ chee wan, mbɛ a‑a a boo sɔ mɔ tan kun ma fea n ma an tɛ. Mbɛ a‑a an ma a 'a sɔ mɔɛ n na.

CHƆN 1:42

Mbɛ a ta‑a Saimɔn na Chisɔsi tena. Mbɛ Chisɔsi‑a Saimɔn ma fɛn kɔdɛɛ, mbɛ a ɔ, “I tɔ mu Saimɔn, i fa sin tɔ mu Chɔn. Chɛɛ i tɔɛ ɛ ma tena Kefasi an na gbɛ.” (Tɔɛ chɛ, ni a a mun‑da, a mu Pita an na).

CHISƆSI 'A SƆ MƆƐ NU 1:13

Mbɛ an don‑da kɛn duu gbu bu ɔ, an na sɔn‑da wan banda a chen dɔndɔ dumu ɔ, an yia ni min na nɔ banda a. Pita ni wan nɔ, an fea Chɔn na, ni Chimisi an fea Anduu a. Fiipi wɛɛ, an fea Tɔmɔsi a, ni Batɔɔmiu an fea Matiu a. A yɛ to, Chimisi dɔndɔɛ wɛɛ, kai Afiɔsi 'a denɛ ni wan nɔ, ni Saimɔn min ni a 'a chɛnyɛ ma chɛɛ chɛ tena, ni Chudasi dɔndɔɛ wɛɛ, kai Chimisi 'a denɛ.

GBOO SAA KƆYINDI KO A 1:12

N mbe min fɔ tena wo ye, an nɛ. Mbɛ wo gbɛɛ, wo da a kuiɛ ee kaina dɔndɔ. Wo dɔ n mbe a fɔ wan, wo ɔ, “Pɔɔ fɛ mɔɛ mu n na.” Mbɛ wo dɔ n‑na a fɔ, wo ɔ, “N mbe Apɔdɔsi an fɛ,” dɔ n dɔ, “Pita,” dɔ n sin dɔ, “Chasi fɛ mɔɛ chɛndɛ mu n na.”

GBOO SAA KƆYINDI KO A 3:22

Pɔɔ ni ma, Apɔdɔsi, ni Pita, an mbe wo wan ko a. Dunya chɛ wɛɛ, fɔɛ chɛ, saya, fenɛ miin mbe sanche, ni miin mbe kɔkɔɛ ya ɔ ma, an gbɛɛ, an mbe wo wan ko a.

GBOO SAA KƆYINDI KO A 9:5

Tea ɛ wan to nn boo ɔ, nn mbe ma n 'na wai chɛ a, ben ben koe a, nn bɛ nn 'na musu n na, Chisianɛ nu. Ni musu ɛ wan nn boo ɔ, nn mbe chɛ ma wan, ae? Tea ɛ wan nn boo ɔ nn ni chɛ ma, yɔ Mansa Chisɔsi 'a sɔ mɔɛ tɔɛ nu, ni a suun ma nyɔɛ nu, a che kai Pita wɛɛ ma, an gbɛɛ‑a a ma buɛ min dɔ.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.