MAKI 2:5 - Yataa 'a Dɔbɛnɛ Nama

⁵ Chisɔsi‑a a ɔ yen kɛn, danaya wa min ni mɔɛ chɛ n dɔ, a ko a, mbɛ a koɔ‑a namaa chɛ tena. A ɔ, “N 'na den, n‑na n boo bɔ i 'a ko yama n dɔ.”

MAKI 2:5 ပူးပေါင်းရင်းမြစ်များ

MATIU 9:2

Mbɛ a yen ko, mɔɛ dɔ n na‑a a tena kamin dɔndɔ a, min ni namaa a, ɛ sa ɔ yaa ɔ. Mbɛ Chisɔsi‑a a ɔ yen danaya min nyɔn sima ni an dɔ. Mbɛ a‑a a fɔ namaa chɛ ma, a ɔ, “N 'na den, i faa ma yɔn. N mbe a fɔ tena i ye, mbɛ n‑na n boo bɔ i 'a ko yama ɔ.”

MATIU 9:22

A tu‑a kɛn Chisɔsi a, mbɛ a‑a a ya a mun, mbɛ a‑a musu chɛ yen. Mbɛ a ɔ, “N 'na den, i faa ma yɔn. I 'a danaya‑a i baun.” Mbɛ a ya kɔɔɛ a, musu chɛ baun‑da.

MATIU 9:5

A ɔ ma gbɛ a fɔ koe a namaa chɛ ye, mbɛ n‑na n boo bɔ a 'a ko yama ɔ. Chɛɛ a ɔ gbɛ wan a ma koe a, a ni a kɔɔ sɔ, a ni tachɛ chɛ.

MAKI 2:6

Mbɛ Chu n 'na sawa kan mɔɛ chɛ dɔ nu, miin ni nɔ si ɔ, an bun‑da an yii na chii‑a, bai chɛ ma.

MAKI 5:34

Chisɔsi ɔ te a ma, “N 'na den, ta i faa chimaenɛ a don. I 'a danaya‑a i baun. Baun i 'a gbandi chɛ ɔ.”

DUKU 5:20

Chisɔsi‑a a ɔ yen kɛn danaya min nyɔn sima ni mɔɛ chɛ n dɔ, a‑a a fɔ wan gbandi mɔɛ chɛ ye, a ɔ, “N bɔ, n mbe a fɔ tena i ye, mbɛ n‑na n boo bɔ i 'a ko yama ɔ.”

DUKU 8:48

Mbɛ Chisɔsi ɔ, “Bɔɔɛ, ta i faa chimaenɛ a don. I 'a danaya‑a i baun.”

CHƆN 2:25

Chisɔsi ya nii mɔ ɔ mɔ a, a ɔ yian koe a, mɔgbuya ɛ buɛ min dɔ. Koe min na mu, a wandi gbu na‑a a ɔ sɔn fan, koe min gbɛɛ ni an faa ɔ.

CHƆN 5:14

Chɛɛ chɛ gbakɔ, Chisɔsi‑a kamin chɛ yen fan Yataa 'a kata ɔ, mbɛ a‑a a fɔ a ma, a ɔ, “A yen ko, i baun‑da gbɛ sanche. Chɛ an fɛ mu, i ma ko yama ma to. Ni chɛ ma, tɔɔya min mbe i tan‑da gbɛ, ɛ yaua‑a a saa ma.”

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 14:9

An kamin chɛ too ma sɔen fan ni, Pɔɔ ni kɛn koɔ‑a. A sin, Pɔɔ‑a a ya sɔ wan a a. Mbɛ a‑a a ɔ yen, mbɛ an kamin chɛ, danaya ɛ wan a ɔ, min mbe che a ma‑a, a ni baun,

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO SAA KƆYINDI KO A 11:30

Chɛ an fɛ mu, wo sɛsɛ, wo gboo fanka wo ma, gboo ɔ bɔ wɛɛ ee wo ma. A sin, dɔ n gbu fa‑a.

GBOO FEAN BƆƐ KƆYINDI KO A 2:10

Mɔ ɔ mɔ, wo e min to‑a nɔ, a 'a ko yama ko a, n bɛɛ n mbe a to‑a wan nɔ. N‑na ko ɔ ko min to nɔ, ni tataya koe gbu ma wɛɛ, n mbe a ma‑a wan wo ko a, Chasi chen kɔɔ.

Gboo Ɛfisɔsi Ko A 2:8

Koe min na mu, koadia demanɛ ɔ mu, wo‑a bauncha ma sɔn. A sin ma‑a koe min na mu, wo‑a wo kai fa wan Chasi a. Chɛ sin, wo wan ma a ma ni. Chɛɛ Yataa wandi, an‑na a ma wo ko a, gbama gbama a.

Gboo Kɔdɔsai Ko A 3:13

Wo gboo ɔ ma fa, wo faa bia koe a wo nyɔn na. A sin, ni gbonyɛ ma‑a wo dɔndɔ wɛɛ da a, a bɔɛ ko a, a ni a boo bɔ an bai chɛ ɔ. Wo wo bɔɛ n to nɔ, ni an‑na ko yama ma wo a, yɔ Mansa Chisɔsi wɛɛ‑a wo to buɛ min dɔ nɔ, wo 'a ko yama n ko a.

CHIMISI 5:15

An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.