MAKI 2:2 - Yataa 'a Dɔbɛnɛ Nama

² Mbɛ mɔ sɛsɛ n na sɔn‑da wan a ma, kaina nii to chenɛ bu ɔ, a basan pɛsa wɛɛ a, mɔɛ n ko a. A sin, a ni wan sakana bai chɛndɛ chɛ ɔ yian‑da an na.

MAKI 2:2 ပူးပေါင်းရင်းမြစ်များ

MATIU 5:2

Mbɛ a‑a a kuu sɔ an kan‑da, a ɔ,

MAKI 1:14

Mbɛ an‑na Chɔn sa pimbi chenɛ a. Chɛ gbakɔ, Chisɔsi ta‑a Kadidi chɛnyɛ ɔ, Yataa 'a sakana bai chɛndɛ sa koe a mɔɛ n tena.

MAKI 1:33

Mbɛ mɔɛ n gbɛɛ Kapanaun duu chɛ ɔ, an na kan‑da wan a ma chen da a.

MAKI 1:37

An sin‑na a yen kɛn, an dɔ, “Mɔɛ n gbɛɛ, an mbe ka i wan yan‑da.”

MAKI 1:45

Chɛɛ a ta‑a kɛn dechee, a bun‑da koɔ‑a boo ka boo ka, a‑a a ɔ yian kan kɔ kan. Chɛ‑a a ma wan, Chisɔsi nii che to bɔ‑a ya a ma, duu kan kɔ kan dɔ, fanka fanka ma chianɛ ko a. Chɛɛ a ni gbɛ ben‑da tanda n fan dɔ, mɔ ee kaina. Chɛ gbɛɛ ɔ, mɔɛ n ni bɔ wan kan kɔ kan, an mbe na a tan.

MAKI 2:1

Tee kuunden gbakɔ, Chisɔsi yɛ‑a to Kapanaun duu ɔ. Mbɛ sakana kuiɛ a fasan‑da a ɔ gbɛɛ ɛ, mbɛ ɛ chenɛ a.

MAKI 2:13

Mbɛ Chisɔsi bɔ‑a duu chɛ ɔ, mbɛ a yɛ‑a to Kadidi yii wa fɛ. Mɔ fanka na‑a wan a tena, mbɛ a‑a a kuu sɔ an kan‑da Yataa wakoe ma.

MAKI 6:34

Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.

DUKU 12:1

A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.

DUKU 5:17

Tee dɔndɔ a, Chisɔsi ni kɛn kan chɛ tena, mɔɛ dɔ n ni wan nɔ si ɔ, miin ni Chu n 'na sawa kan mɔɛ n na, a basan Chu mɔɛ n na, miin ni Fayisii n na. An ka‑a wan Chuusaɛn duu ɔ, a basan Chudia chɛnyɛ gbɛɛ ɔ a. An ka‑a wan duu kan kɔ kan dɔ Kadidi chɛnyɛ wɛɛ ɔ. A tee chɛ a, Chisɔsi ni wan mɔɛ n baun‑da an 'na gbandi n dɔ, Mansa Yataa 'a gbasaya ɔ.

DUKU 8:1

Tima ɛnden gbakɔ, Chisɔsi ben ben‑da wan duu n dɔ, ɛ ta‑a sakana bai chɛndɛ chɛ ɔ yian‑da mɔɛ n na, a si Yataa 'a mansaya ma. A fɛ den tan kun ma fea n bɛɛ ni wan a fɛ.

DUKU 8:11

Chisɔsi ɔ, “Tai chɛ tɔmɔsi an nɛ. Chin fen kuu chɛ mu Yataa 'a bai an na.

CHISƆSI 'A SƆ MƆƐ NU 11:19

An na‑a Sitibin fa tima min na, mɔɛ n‑na a a kuu sɔ wan ko ma gbaaenɛ sa‑a mɔɛ chɛ n ma, miin na‑a an kai fa Chisɔsi a. Chɛ na‑a a ma wan, mɔɛ miin na‑a an kai fa ka Chisɔsi a, an gbɛɛ fasan‑da a ɔ gbuu. An ta‑a wan aan a che Fonisia chɛnyɛ ɔ. Dɔ n sin ta‑a wan Saipɔsi yii tinɛ ɔ, ni Andiɔki duu wa chɛ ɔ. An nii bai ɔ yian mɔ dɔ gbɛɛ n na, a si Chisɔsi wakoe ma, mɔɔ dechee Chu mɔɛ nu.

CHISƆSI 'A SƆ MƆƐ NU 14:25

An ban‑da kɛn sakana bai chɛndɛ chɛ ɔ yian‑da mɔɛ n na Paaka duu ɔ, a si Chisɔsi ma, mbɛ an yii‑a Atadia duu ɔ.

CHISƆSI 'A SƆ MƆƐ NU 16:6

An ta‑a wan aan Fichiya chɛnyɛ gbɛɛ ɔ, a basan Kadesia chɛnyɛ ɔ a. Koe min na mu, Yataa Nyina nii ma dɔn ni, an ni Yataa bai sa Esia chɛnyɛ ɔ.

CHISƆSI 'A SƆ MƆƐ NU 8:25

Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.

GBOO DOMI KO A 10:8

Yataa 'a gboo chɛ‑a a fɔ ka wan, a si a 'a sakana bai ma. A ɔ, Yataa 'a sakana bai chɛ ɛ mmɔ boo ɔ wan, ɛ mmɔ da ɔ, a sin mbe mmɔ faa ɔ. Sakana bai dɔndɔ gbe chɛ tun, nn mbe ka an dɔ yian tena, mbɛ mɔɛ miin mbe an kai fa‑a Chasi a, an fan mbe bauncha ma sɔn.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.