MAKI 2:18 - Yataa 'a Dɔbɛnɛ Nama

¹⁸ Tima dɔndɔ a, Chɔn, min ni yii chɛ mɔɛ n kunɛ ɔ, Yataa chia a, a fɛ mɔɛ n ni wan sun bia a. Mbɛ Fayisii mɔɛ chɛ nu, an na‑a a tena, an dɔ, “Chɔn fɛ denɛ n mbe sunɛ bia wan tima ɔ tima, mbɛ an‑na samunɛ chɛ. Nn fan Fayisii n bɛɛ, nn fɛ denɛ n bɛɛ mbe a ma ka wan. Chɛɛ i ta fɛ denɛ n mbe daunɛ an chɛ tun, an mbe ee sun bia. Fen ko a mu, an mbe chɛ ma tena?”

MAKI 2:18 ပူးပေါင်းရင်းမြစ်များ

MATIU 23:5

An toen mu an ni an fandi ɔ yian ko ɔ ko ɔ, an mbe min ma. An 'na ma bɛn chɛ buɛ wɛɛ, an ni a ɔ ben fan, a ɔ yian koe a, mbɛ an‑na Yataa sɔn, a ni ben an bɔ n ma.

MATIU 6:16

Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 6:18

Chɛ ɛ a ma‑a wan, mɔ dɔ mende ee a ɔ sɔn, mbɛ wo e sunɛ ɔ wan. Chɛɛ Fa Yataa, mɔ ɔ mɔ ee min yen, ɛ a ɔ sɔn‑da wan. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”

MAKI 2:19

Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ, an ni kɔnkɔɛ a dɛ an fandi ma. Tima min na wɛ musu si kai chɛ ɛ nɔ, mɔɛ chɛ n mbe kun fan, an ni daunɛ chɛ, an mbe ee to nɔ, an ni sunɛ bia.

DUKU 18:12

Wichi kan kɔ kan dɔ, n mbe sunɛ bia tee fea, i fai koe a. N mbe n boo fenɛ n du wan si tena tanɛ a, mbɛ n‑na a si tena dɔndɔɛ be i ma.’

GBOO DOMI KO A 10:3

Chɛɛ an ma a ɔ gbɛ ni, Yataa ɛ a ya buɛ min dɔ mɔɛ ni tan a tena. An‑na min ma, an bea‑a wan an ta sawa n fɛ, a si an mbe ma buɛ min dɔ an ni tan Yataa tena. An ma bea ni chia fɛ, Yataa ɛ mɔɛ ya buɛ min dɔ mɔ tandenɛ a a tena.