MAKI 2:16 - Yataa 'a Dɔbɛnɛ Nama

¹⁶ Mbɛ Fayisii mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”

MAKI 2:16 ပူးပေါင်းရင်းမြစ်များ

MATIU 18:17

Ni chɛ wɛɛ ma‑a, chɛɛ a ma dɔn ni a 'a ko yama ma gba chɛ ma to, a ma siibia gbɛ chɔchi gbu ɔ. Ni a ma a too ma sɔ ni gbɛ chɔchi mɔɛ n bɛɛ ma, ka a fɛ, a bia yɔ mɔɛ min ma Yataa sɔn.

MATIU 5:46

Chɛɛ ni wo to‑a dechee mɔɛ n na, miin toen mu wo a a, wo ee tɔnɔn ma sɔn chɛ ko a Yataa a. Koe min na mu, mɔɛ miin mbe pawa kain, an mbe a ma ka wan.

MATIU 9:11

Mbɛ Fayisii n‑na chɛ ɔ yen kɛn, mbɛ an‑na a fɔ Chisɔsi fɛ denɛ n ye, an dɔ, “Wo kan mɔ yen ko, a ɛ daun chɛ‑a kaina dɔndɔɛ, an bɛ pawa kain mɔɛ n na, a basan mɔɛ n na, miin mbe ee sɔ ɔ Yataa 'a chia ma.”

MAKI 2:15

Chɛ gbakɔ, Chisɔsi n ni wan si ɔ daun chɛ tena, Difai 'a chenɛ a. A tima chɛ a, pawa kain mɔ sɛsɛ nu, a basan mɔ dɔ mende n bɛɛ a, miin nii sɔ ɔ Yataa 'a chia ma, an gbɛɛ ni wan Chisɔsi fɛ. An sin, a sɛsɛ na‑a wan, an bun‑da daunɛ chɛ‑a an bɛ Chisɔsi a, a basan a fɛ denɛ n na.

MAKI 2:7

An dɔ, “Fen ko a mu, mɔ bonda chɛ ɛ bai chɛ sima fɔ‑a? Ɛ ka baa an bɔ tena Yataa ma. Yataa dɔndɔ gbe, an mbe che a boo bɔ‑a mɔ gbu 'a ko yama n dɔ, chɛɛ mɔ gbu ma.”

DUKU 18:11

“Fayisii chɛ ka‑a wan mɔɛ tɔɛ chɛ n baima, mbɛ a ta‑a a sɔ‑a a dɔndɔ gbe a, mbɛ a‑a a kuu sɔ samunɛ chɛ‑a. A ɔ, ‘Yataa, en wai, n ta n mbe ee ka yɔ mɔ dɔ gbɛɛ nu. N ta, n ma bɛnchɛ, n sin ma kafa tɔ a. A yɛ to, n mbe ee waa ma basan musu a, n ma miin fuu ni. Mɔɛ dɔ n mbe ka wan, chɛɛ n ta, n mbe ee ka. En wai, a mu min na, n mbe ee ka yɔ pawa kain mɔɛ chɛ wɛɛ pande sɔ ɔ.

DUKU 19:10

N fan, Mɔ Gbu 'a Denɛ, n naen mu dunya chɛ ɔ mɔɛ n fan yan koe a, miin toen mu a ɔ Yataa ma, n ni an kun ka.”

DUKU 19:7

Mɔɛ miin gbɛɛ‑a koe chɛ ɔ yen ka, an bun‑da gbonyɛ‑a, an dɔ, “A yen bɛ, ɛ ta‑a kamin chɛ 'a sondaya a, min mbe ee sɔ ɔ Yataa 'a chia ma.”

DUKU 5:30

Mbɛ Chu mɔɛ dɔ nu miin ni Fayisii n na, an bɛ an 'na mɔɛ n na, miin ni Chu n 'na sawa kan, an bu ɔ nii ma dia ni. An gbonyɛ‑a wan Chisɔsi a, a fɛ denɛ n tena, an dɔ, “Wo kan mɔ ee ka ko chɛndɛ a. A ma nyin wo ni daunɛ chɛ kaina dɔndɔɛ, wo bɛ pawa kain mɔɛ chɛ n na, a basan mɔ dɔ gbɛɛ n bɛɛ a, miin mbe ee sɔ ɔ Yataa 'a chia ma.”

CHISƆSI 'A SƆ MƆƐ NU 23:9

Mbɛ an gbɛɛ bun‑da sɔnkɔ sɔnkɔ wa chɛ‑a. Mbɛ Chu mɔɛ n 'na sawa kan mɔɛ dɔ nu, miin ni Fayisii gbee a, an sɔ‑a. Mbɛ an dɔ, “Nn ma bai yama kan kɔ kan yen ni, Pɔɔ‑a min fɔ. Mmɔ ma a ɔ sɔn, kɔkɔɛ maeka mu, min koɔ‑a a tena, chɛ ma, kɔkɔɛ nyina dɔ mende nu mu.”

GBOO SAA KƆYINDI KO A 2:15

Chɛɛ Yataa Nyina ɛ mɔɛ min fɛ, ɛ kun fan a ni ko ɔ ko ɔ gbɛ, a si ko ɔ ko ma. Chɛɛ a sin, mɔ ɔ mɔ ee kun a ni a wandi gbu wakoe ɔ gbɛ.

GBOO IBU MƆƐ N KO A 12:3

Wo wo yii na chii a mɔnɛ‑a buɛ min dɔ. A yɛ to, a‑a toomaya min dɔ bia, ko yama ma mɔɛ n boo ɔ. Chɛ an fɛ mu, wo ma a ma wo faa ni yɔn, wo ni sɛmbɛ wo kai fa koe a Yataa a.