MAKI 16:9 - Yataa 'a Dɔbɛnɛ Nama

⁹ Mbɛ Chisɔsi na‑a a kɔɔ sɔ kɛn, Tɛnɛ kan kɔɔ dɔɛ ma, a‑a a wandi yian mɔɛ min pɛn na, an nɛ Mɛi a, min ka‑a Makadaa duu ɔ. A na‑a nyina yama wɔnfea chɛ n gbain an Mɛi chɛ an fɛ.

MAKI 16:9 ပူးပေါင်းရင်းမြစ်များ

MATIU 27:56

Musu chɛ n tɛ ɔ, bɔɔɛ Mɛi ni wan nɔ, min ka‑a Makadaa duu ɔ. Bɔɔɛ Mɛi dɔndɔɛ wɛɛ, min 'na denɛ n ni Chimisi n fea Chosɛfi a, a ni wan nɔ, a basan kai Sɛbɛdi 'a musu a.

MAKI 15:40

Musu n bɛɛ, an ni wan nɔ, an mbe sɔ ɔ pɔɔ, an ya bɛndenɛ ɛ a ma. Bɔɔɛ Mɛi min ka‑a Makadaa duu ɔ, a ni wan nɔ. Bɔɔɛ Mɛi dɔndɔɛ wɛɛ ni wan nɔ. A 'a denɛ ni Chimisi dɔɔma a, ni Chosesi. Bɔɔɛ Sadome wɛɛ ni wan nɔ.

MAKI 15:47

Mbɛ Mɛi, min ka‑a Makadaa, ni Mɛi dɔndɔɛ, min ni Chosesi de a, an ya ni wan kaina chɛ a, Chisɔsi na‑a tɔn ka kaina.

MAKI 16:8

Mbɛ an ben‑da bui‑a, a bɔ an kamba chɛ ɔ. Koe min na mu, masamba basan kɔndɔfii a, a ni koo an dɔ. Chɛ sin‑na a ma wan, an ma che ni koɔ‑a mɔ ɔ mɔ tena, an chianden ba ɛ. [

DUKU 24:10

Musu chɛ n fan nii nɛ, miin‑na bai chɛ ɔ yian Chisɔsi 'a sɔ mɔɛ n na. Mɛi min na‑a ka Makadaa, ni Chowana, ni Mɛi dɔndɔɛ Chimisi de, a basan musu dɔ gbɛɛ n na.

DUKU 8:2

Musu dɔ n bɛɛ ni wan a fɛ. An ni musu n fan na, Chisɔsi na‑a miin baun an 'na gbandi ɔ. An dɔ n sin, a na‑a nyina yama n fan gbain an fɛ. Musu chɛ n gbu sin tɛ ɔ, musu dɔndɔ ni wan nɔ, min tɔ ni Mɛi, min ka‑a Makadaa duu ɔ. Chisɔsi na‑a nyina yama wɔnfea gbain an fɛ.

CHƆN 20:12

Mbɛ a‑a maeka fea an yen nɔ, an ma bɛndenɛ ɛ koa gbɛ ɔ, an mbe si ɔ kaina chɛ, Chisɔsi su chɛ ni sa ɔ kaina min. Dɔndɔɛ ni si ɔ a sa tena chɛ kun kandɔɛ wan, dɔndɔɛ sin ni a chen den kɔɔɛ tena wan.

CHISƆSI 'A SƆ MƆƐ NU 20:7

Tɛnɛ kan kɔ dɔɛ ma, nn bɛn‑da wan kaina dɔndɔɛ, daun chɛ koe a. Pɔɔ‑a Yataa bai sa wan mɔɛ chɛ n tena. A toen ni ben koe an na, a banda ka. Chɛ an fɛ mu, a koɔ‑a wan an tena, aan su ta‑a a tɛ ma.

GBOO SAA KƆYINDI KO A 16:2

Tɛnɛ kan kɔɔ dɔɛ kan kɔ kan ma, mɔ ɔ mɔ ni kɔpɔɛ ɛnden dɔ bɛn, a ni a sa tena ɔ bɛn. Mɔɛ ɛ kɔpɔɛ ma sɔn buɛ min dɔ, ɛ a boo ma sɛ ka wan, mbɛ a‑a a sa tena ɔ bɛn. Chɛ ɛ a ma‑a wan, n mbe a fo‑a nɔ tima min na, kɔpɔ ma kain mbe ee ma‑a to nɔ.

KO Ɔ NUNDENƐ 1:10

Patimɔsi chɛ ni, Tɛnɛ kan kɔ dɔɛ ma, Yataa Nyina bea‑a n fɛ gban. A tima kɔɔ, n‑na mɔɛ kuiɛ a min fan, n gbaa chia a. Kuiɛ chɛ maen fan ni gbankon, yɔ buu fɛ kuiɛ.