Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAKI 16:19 - Yataa 'a Dɔbɛnɛ Nama

19 Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

အခန်းကိုကြည့်ပါ။ ကော်ပီ




MAKI 16:19
37 ပူးပေါင်းရင်းမြစ်များ  

Mbɛ a fɛ denɛ n ta‑a kan kɔ kan, an mbe ben‑da sakana bai chɛndɛ chɛ ɔ yian‑da mɔɛ n na. Mansa Chisɔsi sin basan‑da wan an ma, an 'na wai gbɛɛ ɔ. A sin, a‑a a ɔ yian tɔmɔsi n dɔ, miin ni yen an 'na sakana bai gbaa chia a, mbɛ an mbe tea chia an na.]


Chɛɛ a ka gbɛ sanche ma, n fan, Mɔ Gbu 'a Denɛ, n mbe ma‑a wan si ɔ Yataa boo nyima ɔ, gbasaya gbɛɛ ɛ min boo ɔ.”


Tima chɛ ma ni kɛn gbɛ dɔɔya tena, Yataa na‑a tima min dɔ bɛn, Chisɔsi ya koe a a sɛ banda bu ɔ, Chisɔsi‑a a yiima ɔ bɛn fan sɛ koe a Chuusaɛn duu ɔ.


Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.


N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”


A sin, sanche chɛ ɔ, n mbe gbɛ chia an na, na‑a i tena. Chɛɛ n mbe wɛ nɛ tima min na dunya chɛ ɔ, n mbe koe chɛ n gbɛɛ ɔ yian tena wan n fɛ den chɛ n na. Chɛ ɛ ma‑a wan, buɔdia min nyɔn sima ɛ n dɔ, an ni a buɔdia da faenɛ ma sɔn.


Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”


An ban‑da kɛn daunɛ chɛ‑a, mbɛ Chisɔsi koɔ‑a Saimɔn Pita tena, a ɔ, “Kai Chɔn 'na denɛ Saimɔn, n ko a di wan i ye, i ni ben i bɔɛ chɛ n gbɛɛ ma?” Mbɛ Saimɔn dɔ, “Aa mansa, i‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ a ma, a ɔ, “Mbɛ n fɛ mɔɛ n kun ma fɛn, yɔ an mbe sa denɛ n kun ma fɛn buɛ min dɔ.”


Mbɛ Chisɔsi ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ni to a sun da a, aan n ni yɛ to dunya chɛ ɔ. A a tun dechee ma koe a n fɛ denɛ a.”


Mbɛ a ɔ, “Chɛ ɛ wo faa mun‑da wan gbɛ yama yama. Ni wo‑a a ya gbɛ, mbɛ wo‑a n yen, n fan Mɔ Gbu 'a Denɛ, n mbe sɛ‑a to kaina chɛ, n ka‑a kaina min.


Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.


Chisɔsi chɛ ɛ to‑a banda bu ɔ wan, aan tima ni che, tima min na Yataa ɛ fen kɔ fen nyan‑da to a nama a. Ɛ ma‑a wan, yɔ a 'a gbonka chɛ mɔɛ chɛ nu, miin ni tenchen a ko a, an‑na a gbonka buɛ min dɔ suun.


Mɔ ɔ mɔ ee nɔ min mbe kaa a tɛ, a si an mɔɛ chɛ n tɔɔya koe ma. Chisɔsi Chasi an fa‑a mmɔ ko a, chɛ ma, an kɔɔ sɔ‑a a ka saya ɔ, mbɛ a yɛ‑a to fɔɛ ɔ. A sin, ɛ si ɔ kaina ma bɛndenɛ Yataa boo nyima ɔ. Ɛ wan tun koɔ‑a Yataa tena mmɔ ko a.


Tima min na Yataa‑a Chasi a yɛ to fɔɛ ɔ, a‑a a ma wan, wo wɛɛ‑a fɔɛ nama ma sɔn. Chɛ an‑na a fɔ, wo to fen chɛ n na, Yataa‑a miin sa tena ɔ bɛn wo ko a banda bu ɔ. Chasi ɛ nɔ wan si ɔ kaina a ma bɛndenɛ, Yataa boo nyima ɔ.


Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.


An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.


Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.


A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.


Chisɔsi pɛn na‑a ta an kaina chɛ, mmɔ ko a. A sin, a ma‑a wan tɛ mɔ wa a, mmɔ ko a Yataa tena, kuɔ fɔ ko a. A na‑a ma wan, yɔ Mɛchisɛdɛki ni buɛ min dɔ.


Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.


Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.


Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.


A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ