MAKI 15:43 - Yataa 'a Dɔbɛnɛ Nama

⁴³ kamin dɔndɔ na‑a wan nɔ, a ka Ayimatia duu ɔ. A tɔ ni Chosɛfi, a sin baa ni wan a ma kaka, Chu gbakoo n tɛ, miin ni si Chu kuti wa ɔ. A yɛ to, a ya ni wan tima chɛ ya ɔ, tima min na Yataa ɛ a 'a mansaya ɔ yian‑da. A sin, a na‑a a faa sɔ wan, mbɛ a ta‑a Kɔfana Padeti tena, a‑a Chisɔsi su ɔ tisa a ma.

MAKI 15:43 ပူးပေါင်းရင်းမြစ်များ

MATIU 19:30

Chɛɛ mɔ sɛsɛ nu, miin mbe sɔ ɔ ya ɔ sanche, Yataa ɛ an na yɛ‑a wan gbaa a. Mɔɛ miin mbe gbaa sanche, Yataa ɛ an sɔ‑a wan ya ɔ dunya nama chɛ ɔ.”

MATIU 20:16

Mbɛ Chisɔsi ɔ te gbɛ, “Chɛ an‑na a fɔ, mɔ sɛsɛ nu, miin mbe gbaa sanche, Yataa ɛ an na na‑a wan ya ɔ. Mbɛ miin sin mbe sɔ ɔ ya ɔ sanche, Yataa ɛ an 'na yɛ‑a wan gbaa a.”

MATIU 27:57

Tee bea ma, nyan tɔ dɔndɔ na‑a, a ka duu dɔndɔ ɔ min tɔ ni Ayimatia. A tɔ ni Chosɛfi. A sin, a wɛɛ ni Chisɔsi fɛ mɔɛ dɔndɔ an na.

MAKI 14:54

Pita na‑a a sɔ wan Chisɔsi fɛ. Chɛɛ a ma dɔn ni, a ni gbɛn an ma gbɛdɛn. An ta‑a wan, aan a che an 'na tɛ mɔ wa chɛ 'a kata chɛ ɔ, mbɛ an don‑da nɔ. Pita wɛɛ don‑da wan, mbɛ a si‑a, an bɛ kata chɛ kun ma fɛn mɔɛ n na, ɛ a gbaa‑a ta fɛ.

MAKI 15:44

Chɛɛ yiinachii ni wan Kɔfana Padeti ɔ, ni Chisɔsi gbu faen fan ni gbɛ. Mbɛ a 'a soya gbakoo chɛ, a‑a a chee, a‑a a ɔ tisa ni Chisɔsi faen fan ni gbɛ.

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

DUKU 2:38

A tima dɔndɔ gbe chɛ kɔɔ, a wɛɛ‑a Chisɔsi n tan fan, an bɛ a woo n na. Mbɛ a bun‑da Yataa wai bɔ‑a. A‑a bai sa wan, a si den chɛ ma, mɔɛ chɛ n gbɛɛ tena, mɔɛ miin ni Chuusaɛn kun ka koe ma kɔn tena.

DUKU 23:50

Yatina, a tima chɛ a, kamin dɔndɔ ni wan nɔ min tɔ ni Chosɛfi. A na‑a ka Ayimatia duu ɔ wan, min ni Chudia chɛnyɛ ɔ. A sɔnɛ ni nyin, a yɛ to, mɔ tandenɛ ni a a. A sin, a ya ni tima chɛ an ya ɔ, tima min na Yataa ɛ a 'a mansaya ɔ yian‑da dunya chɛ ɔ. Chu gbakoo dɔndɔ ni a a, miin ni chiti tɛ koe n ma. Chɛɛ a nii ma toa si ni a bɔɛ chɛ n 'na yiinachii kɔɔ, koe chɛ n gbɛɛ ma koe a Chisɔsi a.

CHƆN 19:38

Koe chɛ n gbɛɛ maenɛ gbakɔ, Chosɛfi, min ka‑a Ayimatia duu ɔ, a‑a Kɔfana Padeti ɔ tisa wan Chisɔsi su ko a. Chosɛfi chɛ ni Chisɔsi fɛ denɛ an na, chɛɛ nun dɔ ni. A nii ma bɔ ni ya a ma, a mu min na, a chianden ni Chu gbakoo n fan ma. Kɔfana Padeti dɔn‑da kɛn su chɛ be koe a, a ni tɔn, mbɛ Chosɛfi‑a su chɛ a yii, a ta‑a a a.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 17:12

Chɛ ko a, Chu mɔɛ n sɛsɛ‑a an kai fa wan Chisɔsi a. A yɛ to, duu ɔ gbakoo n sɛsɛ, musu an bɛ kai n na, miin ni Kiisi mɔɛ n na, an bɛɛ‑a an kai fa wan a a.

Gboo Fiipai Ko A 1:14

N mbe sa ɔ pimbi chenɛ min sin na, Mansa Chisɔsi‑a a ma gbɛ, n suun ma nyɔɛ chɛ n sɛsɛ Chasi ɔ, an faa sɔ‑a gbɛ a ko a. An mbe ee chian to ɛnden bɛɛ a, a 'a sakana bai chɛ ɔ yian koe a mɔɛ n na.