MAKI 15:24 - Yataa 'a Dɔbɛnɛ Nama

²⁴ Mbɛ an‑na a gbangban kɔn gbengbandenɛ chɛ ma nɔ. Mbɛ an yɛ‑a, an‑na chɛ fenɛ chɛ a ma koa n ko a, an ni a ɔ sɔn, ni mɔɛ ɛ min ma sɔn.

MAKI 15:24 ပူးပေါင်းရင်းမြစ်များ

DUKU 23:34

Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.” Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn.

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 5:30

Wo‑a a ma wan, Chisɔsi‑a mauma saya chɛ, kɛn wo‑a a gbangban kɔnɛ ma. Chɛɛ Yataa chɛ, nn bemba n ta bemba n ni min fai, an‑na a ma, a wan Chisɔsi chɛ‑a a kɔɔ sɔ a ka saya ɔ.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.