MAKI 15:14 - Yataa 'a Dɔbɛnɛ Nama

¹⁴ Chɛɛ Kɔfana Padeti ɔ, “Fen ko a chɛ ɛ ma? Kamin chɛ gbu, a‑a fen ko yama ma?” Chɛɛ an‑na yee gbu ma munda wan gbɛ, an dɔ, “A ni gbangban kɔnɛ ma, a ni fa.”

MAKI 15:14 ပူးပေါင်းရင်းမြစ်များ

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

MATIU 27:4

Ɛ kɔpɔɛ chɛ a yɛ‑a kɛn an ma, a ɔ, “N‑na ko yama an ma ka. N‑na kamin chɛ min ma tachɛ ka, a ma ko yama kan kɔ kan man ni, ɛ ka na tena fa‑a fuu.” Chɛɛ an dɔ, “I ta ɔ wan nɛ chɛ nɛnɛ a. Nn ma to ni nn ni a ɔ sɔn ɛnden bɛɛ a.”

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MAKI 15:13

Mbɛ an‑na yee tɛ to, an dɔ, “A ni gbangban kɔnɛ ma, a ni fa.”

MAKI 15:15

Mbɛ Kɔfana Padeti‑a a boo ka wan Baabasi a, fanka fanka chɛ faa chima koe a. Mbɛ a‑a a ma, an‑na Chisɔsi gbasi bosa a pien, mbɛ a‑a a be, an ni a gbangban kɔn gbengbandenɛ ma, a ni fa nɔ.

DUKU 23:21

Chɛɛ an‑na yee tɛ wan to, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.”

DUKU 23:4

Mbɛ Kɔfana Padeti‑a a fɔ wan Chu n tɛ mɔɛ nu Yataa a, an 'na mansa n ye, a basan mɔ fanka chɛ a, a ɔ, “N ma ko yama kan kɔ kan yen ni, kamin chɛ‑a min ma.”

DUKU 23:41

A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.”

DUKU 23:47

Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”

CHƆN 18:38

Mbɛ Kɔfana Padeti ɔ a ma, a ɔ, “Tea e na ma fen na?” Mbɛ Kɔfana Padeti bɔ‑a to mɔɛ chɛ n tena, a 'a kata baa ma. Mbɛ a ɔ, “N ma chia kan kɔ kan yen ni, kaa a tɛ koe a, mɔna chɛ fa koe ma.

CHƆN 19:6

Mɔɛ miin mbe Chu n tɛ Yataa a, an 'na mansa chɛ nu, an bɛ Yataa 'a kata kun ma fɛn poesi chɛ n na, an gbɛɛ‑a Chisɔsi yen kɛn sɔ ɔ an ya kɔɔ, an‑na yee tɛ wan gba fea, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.” Chɛɛ Kɔfana Padeti ɔ, “Wo wandi wo a bia, mbɛ wo‑a a fa a buɛ ɔ. N tana, n ma chia kan kɔ kan yen ni, kaa a tɛ koe a a fa koe ma.”

CHISƆSI 'A SƆ MƆƐ NU 13:28

An nii ma chia ɔ chia sɔn ni kaa a tɛ koe a, a fa koe ma. Chɛ gbɛɛ ɔ, an‑na Kɔfana Padeti ɔ tisa wan, a ni a ma, an ni a fa.

CHISƆSI 'A SƆ MƆƐ NU 19:34

Chɛɛ an‑na a ɔ sɔn kɛn, mbɛ Chu mɔɛ ni a a, an‑na yee tɛ wan to dɔndɔ a, an dɔ te, “Atɛmisi min mbe Ɛfisɔsi, yataa an nɛ, min gbasayaen mu.” An‑na chɛ ma wan, awa fea ko a.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.