11 Chɛɛ a che‑a kɛn an kaina chɛ, Chu n tɛ mɔɛ nu Yataa a, an 'na mansa chɛ n‑na a ma wan, an‑na fanka fanka chɛ a sɛ. An dɔ, an ni yee tɛ Baabasi an boo ka koe a.
Chɛɛ Chu n tɛ mɔɛ nu Yataa a, an 'na mansa n yiima ni dama, an bɛ Chu gbakoo n na. An don‑da wan fanka chɛ ɔ, min mbe a ma, an ni Kɔfana Padeti ɔ tisa, a ni a boo ka Baabasi a, an ni Chisɔsi be a fa koe a.
Kɔfana Padeti na‑a chɛ fɔ, koe min na mu, a na‑a a ɔ sɔn fan, mbɛ toomaya gbama, an na‑a a ma, Chu tɛ mɔɛ nu Yataa a, an 'na mansa n na‑a Chisɔsi a a chen kɔɔ.
A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.