MAKI 14:72 - Yataa 'a Dɔbɛnɛ Nama

⁷² Mbɛ a ya kɔɔɛ a, tɛ kɔnɛ konchee‑a. A fean bɔɛ an nii nɛ gbɛ, tɛ chɛ‑a chɛ ma. Mbɛ a puin‑da Pita yii ma, mbɛ Chisɔsi na‑a a fɔ wan a ye, a ɔ, “Pita, tɛ kɔnɛ e na konchee, si tena fea, e a fɔ‑a wan yɔ i ma n sɔn, gba sawa ko a.” Chɛ‑a a ma wan, Pita puyɛ‑a di a.

MAKI 14:72 ပူးပေါင်းရင်းမြစ်များ

MATIU 26:34

Mbɛ Chisɔsi ɔ, “Pita, n ni a ma din i tena, mbɛ tɛ kɔnɛ e na konchee sayi chɛ ma, e kɔɔsa bia chɛ‑a wan gba sawa, a si n sɔn koe ma i boo ɔ.”

MAKI 14:30

Mbɛ Chisɔsi ɔ, “Pita, n ni a ma din i tena, mbɛ tɛ kɔnɛ e na konchee gba fea sayi chɛ ma, e kɔɔsa bia chɛ‑a wan gba sawa, a si n sɔn koe ma i boo ɔ.”

MAKI 14:68

Chɛɛ Pita‑a kɔɔsa bia chɛ wan a ma, a ɔ, “N ma a ɔ sɔn, a yɛ to, n ma a ɔ gbɛ ni, e ka bai min fɔ tena, ni a sien mu min ma.” Mbɛ Pita‑a a a sɔ, mbɛ a bɔ‑a, a sɔ‑a kata chɛ da a. Mbɛ a tima chɛ a, tɛ kɔnɛ konchee‑a.

MAKI 14:71

Chɛɛ Pita ɔ, “Yataa ni n tɔɔya, ni n mbe ka fania an fɔ tena. N ma kamin chɛ sɔn, wo e ka min bakoe fɔ tena.”

DUKU 22:60

Chɛɛ Pita ɔ, “Mɔna, tea kan kɔ kan mbe ee bai chɛ ɔ, e ka min fɔ‑a. N ma a sɔn.” A to‑a bai chɛ an fɔ‑a, mbɛ tɛ kɔnɛ konchee‑a.

DUKU 22:62

Mbɛ Pita bɔ‑a baa ma, mbɛ a puyɛ‑a di a.

GBOO FEAN BƆƐ KƆYINDI KO A 7:10

Koe min na mu, faayɔnɛ min mu Yataa 'a dɔbɛnɛ a, ɛ a ma wan mmɔ ni mmɔ kan kɔ sɔ ko yama ma a, a ni na bauncha a. A sin, n ni ma‑a a ɔ sɔn‑da ee a ɔ. Chɛɛ faayɔnɛ min mbe bɔ mɔgbuya ta chia a, ɛ na kuɔ fɔ saya an na.