MAKI 14:62 - Yataa 'a Dɔbɛnɛ Nama

⁶² Mbɛ Chisɔsi ɔ, “N fan nɛ. A sin, n fan, Mɔ Gbu 'a Denɛ, wo e n yen‑da wan, n mbe si ɔ kaina ma bɛndenɛ Yataa boo nyima ɔ, gbasaya ɔ. A sin to, wo e n yen‑da wan na‑a, banda a dugbu ɔ.”

MAKI 14:62 ပူးပေါင်းရင်းမြစ်များ

MATIU 24:30

Mbɛ fenɛ ɛ ma‑a wan banda ma, min mbe a ɔ yian‑da mɔɛ n na, mbɛ n fan, Mɔ Gbu 'a Denɛ, n mbe ka na‑a na. Ni n sin ma‑a na‑a, mɔɛ nu dunya gbɛɛ ɔ, an mbe di chɛ‑a wan chinchimaya ɔ. Koe min na mu, mɔɛ gbɛɛ ɛ n yen‑da wan na‑a gbasaya wa ɔ dugbu ɔ, a yɛ to, n mbe ma‑a wan man‑da Yataa 'a manɛ a.

MATIU 26:64

Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”

MATIU 27:11

A tima chɛ a, an‑na a ma wan, Chisɔsi sɔ‑a Kɔfana Padeti chen kɔɔ. Mbɛ kɔfana chɛ‑a a ɔ tisa, a ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

MAKI 13:26

A sin, a tima chɛ a, an mbe n fan, Mɔ Gbu 'a Denɛ, an mbe n yen‑da wan na‑a gbasaya wa ɔ dugbu ɔ, a yɛ to, n mbe ma‑a wan man‑da Yataa 'a manɛ a.

MAKI 15:2

Mbɛ Kɔfana Padeti‑a a ɔ tisa, a ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

DUKU 22:69

Chɛɛ a ka gbɛ sanche ma, n fan, Mɔ Gbu 'a Denɛ, n mbe ma‑a wan si ɔ Yataa boo nyima ɔ, gbasaya gbɛɛ ɛ min boo ɔ.”

DUKU 23:3

Mbɛ Kɔfana Padeti ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.

GBOO IBU MƆƐ N KO A 8:10

Mbɛ dɔbɛnɛ an nɛ, n mbe min chɛ‑a mɔɛ n na, miin ka‑a Isɔɛɛ chɛnyɛ ɔ. N fan Mansa Yataa, ni tee chɛ n ben‑da, n mbe n 'na sawa n sa‑a wan, an yii ma, n ni a sa an faa ɔ. A sin, n mbe ma‑a wan an 'na Yataa a, mbɛ an bɛɛ, an ma‑a n 'na mɔɛ n na.

2 PITA 1:16

Nn‑na a ɔ yian fan wo a, mbɛ mmɔ 'a mansa Chisɔsi Chasi ɛ na‑a wan gbasaya wa ɔ. Nn‑na a 'a gbasaya ɔ yen fan nn ya gbu a. Nn nii ma chɛ tɛ ni nn gboo an ma.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.