MAKI 14:61 - Yataa 'a Dɔbɛnɛ Nama

⁶¹ Chɛɛ a na‑a a ma maun fan, a nii ma bai ɔ bai fɔ ni. Mbɛ tɛ mɔ wa chɛ‑a a ɔ tisa to, a ɔ, “I wan mu kunka mansa chɛ a, mɔɛ n mbe Yataa min tando, a 'a denɛ ɛ?”

MAKI 14:61 ပူးပေါင်းရင်းမြစ်များ

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 14:60

Mbɛ Chu n 'na tɛ mɔ wa Yataa tena, a‑a a kɔɔ sɔ, mbɛ a sɔ‑a an gbɛɛ ya kɔɔ. Mbɛ a‑a Chisɔsi ɔ tisa, a ɔ, “A yen ko gbɛ, siiya n‑na bai chɛ gbɛɛ fɔ, a si i ma. Bai ɔ bai ee i da a, e min fɔ, min mbe i kun bɔ koe chɛ ɔ?”

MAKI 15:2

Mbɛ Kɔfana Padeti‑a a ɔ tisa, a ɔ, “I wan mu Chu mɔɛ n 'na mansa a?” Mbɛ Chisɔsi ɔ, “I‑a an fɔ ka.”

CHƆN 1:34

A ɔ, “N‑na chɛ ɔ yen fan, a ma‑a,” a ɔ, “n sin mbe a fɔ tena gbɛ, mbɛ mɔɛ chɛ mu Yataa 'a denɛ an na.”

CHƆN 10:24

Mbɛ Chu mɔɛ n na sɔn sɔn‑da a 'a tindanɛ. Mbɛ an dɔ, “I ma a ma nn ni ma kɔndɔfii ɔ tima ɔ tima ko a, a si i wakoe ma. A ma gbu nn ni a ɔ sɔn, tea chɛndɛ chɛndɛ ko a, ni i wan mu kunka mansa chɛ a.”

CHƆN 10:36

N tana, Fa an‑na n ya, a‑a n sɔ dunya chɛ ɔ. Chɛ an‑na a fɔ, wo ee kun, wo ni kunɛ si n kun ma, baa bɔ koe a a ma. Koe min na mu, n‑na a fɔ, n dɔ, a 'a denɛ mu n na.

CHƆN 18:37

Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 19:7

Chɛɛ mɔ fanka chɛ ɔ, “Nn 'na sawa ɛ wan nɔ, min‑na a fɔ, mbɛ mɔna chɛ ɛ fa wan. Koe min na mu, a ɔ, Yataa 'a denɛ mu a a.”

CHƆN 19:9

Mbɛ a yɛ‑a to Chisɔsi a kata chɛ ɔ, mbɛ a‑a a ɔ tisa, a ɔ, “I ta bɔ tena gbu mu mende a?” Chɛɛ Chisɔsi ma a tɛ ni a ma gbukuu wɛɛ.

CHISƆSI 'A SƆ MƆƐ NU 8:32

A ni ka kaina min kan‑da Yataa 'a gboo chɛ ɔ, an nii nɛ: “An ta‑a wan a a, a fa koe a yɔ sa, A yɛ to, bai ɔ bai ma bɔ ni a da a. yɔ sa tɔngbɔɛ ma maun buɛ, ni an ma‑a a ti tɛ‑a a a.

1 TIMOTI 1:11

Kan chɛ ɛ kamaya sakana bai chɛndɛ an dɔ, Yataa wandi, mmɔ ɛ min tando, a‑a min be n ma.

1 TIMOTI 6:15

An na chɛ, a tima ɛ Yataa an boo ɔ, tando ɛ min ma, mansa n kun ma mansa dɔndɔ gbe, mansa wa mansa n gbɛɛ ko a.

1 PITA 2:23

Bai yama n sa‑a wan a ma, chɛɛ a nii ma a ta ɔ nyɔn ni ɛnden bɛɛ a. A na‑a ko yawaenɛ n bɛɛ ɔ bia wan, chɛɛ a nii ma a wandi ma chian ni. A ni a ta gbɛɛ kai fa dechee Yataa an ma, min mbe tea kaa tɛ.