MAKI 14:41 - Yataa 'a Dɔbɛnɛ Nama

⁴¹ Mbɛ a yɛ‑a to, a gba sawan bɔɛ ɔ, a fɛ den chɛ n tena. A ɔ, “Wo e ka sa ɔ chinɔɛ an dɔ tun? Wo e wo suin‑da? A kun‑da gbɛ. Tima che‑a, n fan, Mɔ Gbu 'a Denɛ, n ma tachɛ koe a, ko yama ma mɔɛ n ma.

MAKI 14:41 ပူးပေါင်းရင်းမြစ်များ

MATIU 26:2

“Wo‑a a ɔ sɔn fan, mbɛ a to‑a bi tee fea, mbɛ kun bɔ a ɔ bɛnɛ tima chɛ che‑a. A tima chɛ a, n fan, Mɔ Gbu 'a Denɛ, an mbe n be‑a wan mɔɛ chɛ n ma, miin mbe n fa‑a kɔn gbengbandenɛ ma.”

MAKI 14:10

Mbɛ Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tena, min mbe a ma, a ni Chisɔsi ma tachɛ an ma.

MAKI 14:18

An sin ni kɛn si ɔ tebu ma, daun chɛ‑a, mbɛ Chisɔsi ɔ, “N mbe chɛ ma din‑da wan wo tena, mbɛ wo dɔndɔ, ɛ na tena wan n ma tachɛ‑a. Wo dɔndɔ, mmɔ bɛ, mmɔ ɛ daun chɛ‑a min na.”

MAKI 14:35

Mbɛ a ka‑a wan an baima ɛnden na, mbɛ a‑a a wandi ɔ fuin duu ma, a bun‑da samunɛ chɛ‑a. A‑a Yataa ɔ tisa wan, ni ɛ bɛn fan, tima chɛ a, ko yawaen chɛ ni ka a kun ma.

MAKI 14:40

Mbɛ a yɛ‑a to a fɛ den chɛ n tena. A‑a an tan to chinɔɛ ɔ. Koe min na mu, chinɔɛ ni fanka an ya a kaka. An gbu nii ma a ɔ sɔn, ni an mbe fen fɔ a ye.

MAKI 14:42

Wo wo a sɔ, mmɔ ni bun ta‑a. Wo wo ya a ta pan. Mɔɛ min mbe n ma tachɛ tena, a yen ko na‑a.”

MAKI 7:9

A ɔ te to an ma, “Yiimatɛ chia ɛ wan wo boo ɔ, wo kunɛ bɔ koe a Yataa 'a sawa n kɔɔ, min mbe a ma, wo ni bea wo ta sawa n fɛ.

MAKI 9:31

koe min na mu, a ni a fɛ denɛ n fan kan tena a tima chɛ a. A‑a a fɔ wan an ye, a ɔ, “N fan, Mɔ Gbu 'a Denɛ, an mbe na tena wan n ma tachɛ‑a, mɔɛ n ma. An mbe n fa‑a wan, chɛɛ tee fea ni a sawan bɔɛ gbakɔ, n mbe n kɔɔ sɔ‑a wan a ka saya ɔ.”

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 12:27

“Sanche chɛ ɔ, n faa ɛ mɔnɛ tena. A sin, n ma a ɔ sɔn ni n mbe fen fɔ. N mbe che wan a fɔ‑a, n dɔ, ‘Fa, n kunɛ bɔ koe chɛ ɔ, n ya ɔ.’ Chɛɛ n na‑a chɛ gbu an ko a dunya chɛ ɔ, tima chɛ a.

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 7:30

Chisɔsi kuiɛ chɛ gbakɔ, mɔɛ chɛ dɔ n toen ni an ni a bia fɔin. Chɛɛ mɔ ɔ mɔ ma a boo tu ni a a. Koe min na mu chɛ ma‑a, tima nii ma chɛ a, tima min yianden ni a 'a fɔɛ ɔ, a bia koe a.

CHƆN 8:20

Chisɔsi na‑a chɛ gbɛɛ fɔ tima min na, a ni Yataa 'a kata ɔ wan, ɛ mɔɛ n kan‑da. A ni kaina chɛ baima wan, kakaa chɛ n ni ka si ɔ kaina min, an ni boo fenɛ n be ka Yataa ma, kakaa miin dɔ. Mɔ ɔ mɔ nii ma a bia ni nɔ, a mu min na, a bia tima min yianden ni, a nii ma che nin bɛ.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.