MAKI 14:22 - Yataa 'a Dɔbɛnɛ Nama

²² Mbɛ an ni kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”

MAKI 14:22 ပူးပေါင်းရင်းမြစ်များ

MATIU 14:19

A‑a a fɔ mɔ fanka chɛ ye, a ɔ, an ni si ben‑da bin gbii ɔ. Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, a basan nyɛ chɛ a, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma.

MAKI 10:16

Mbɛ Chisɔsi‑a den mɛsɛ chɛ n ya dɔndɔ dɔndɔɛ a. Ɛ an si a kaa ma, ɛ a boo bun an ma, ɛ ta‑a an dua‑a.

MAKI 14:21

Koe min na mu, n fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MAKI 14:23

Mbɛ a‑a kɔpu wɛɛ ya, gbɛ ni min dɔ. Mbɛ a‑a Yataa wai bɔ, a‑a a be an ma, mbɛ a ɔ, “N wii an nɛ, n mbe na tena min na bɔn‑da mɔ gbu gbɛɛ ko a. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.” Mbɛ an gbɛɛ, an‑na a bia, an‑na a min.

MAKI 6:41

Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma. Nyɛ fea chɛ wɛɛ, a‑a a ɔ du du wan mɔɛ gbɛɛ ma.

DUKU 22:17

Mbɛ Chisɔsi‑a kɔpu ya, gbɛ ni min dɔ. Mbɛ a‑a Yataa wai bɔ, mbɛ a‑a a fɔ, a ɔ, “Wo kɔpu chɛ bia, mbɛ wo‑a chɛ sima kai kai a a wo nyɔn ma.

DUKU 24:30

Mbɛ an bɛ si‑a an na daun chɛ tena, mbɛ Chisɔsi‑a biidi ya, a‑a Yataa wai bɔ a ko a, mbɛ a‑a a tɛ kai, mbɛ a‑a a du an ma.

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

GBOO SAA KƆYINDI KO A 10:4

Mbɛ an gbɛɛ yɛ‑a, an‑na kamaya yii dɔndɔ gbe chɛ min. Koe min na mu, kamaya senɛ min ni an fɛ an tachɛ chɛ ɔ, an yii chɛ bɔ‑a an dɔ, an na‑a min min ka. An sen chɛ sin ni Chasi an na.

Gboo Kadesia Ko A 4:25

Aka chɛ mu gbɛ kɔnkɔɛ chɛ an na, min tɔ mu Saina, Adebia chɛnyɛ ɔ. A sin, a sɔen mu duu wa chɛ an ko a sanche, min mu Chuusaɛn na. Koe min na mu, nɔ ɛ yɔncha an dɔ, a basan a ɔ mɔɛ n na.