MAKI 14:20 - Yataa 'a Dɔbɛnɛ Nama

²⁰ Mbɛ Chisɔsi ɔ, “Mɔ dɔndɔ mu, wo mɔ tan kun ma fea chɛ n tɛ. Nn fea gbu, nn mbe daunɛ chɛ tena min na, koen dɔndɔɛ ɔ.

MAKI 14:20 ပူးပေါင်းရင်းမြစ်များ

MATIU 26:23

Mbɛ Chisɔsi ɔ, “Wo dɔndɔ, ɛ na tena wan n ma tachɛ‑a. Nn fea gbu nn mbe daunɛ chɛ tena koen dɔndɔɛ ɔ min na.

MATIU 26:47

Chisɔsi to‑a koɔ an na, mbɛ Chudasi, min ni a fɛ den tan kun ma fea chɛ n dɔndɔ a, a na‑a, an bɛ mɔ fanka a. Kɔn kundu ma tɛenɛ, a basan chɛɛ chɛ mɛ a, ɛ an boo ɔ. Chu n tɛ mɔɛ nu Yataa a, an 'na mansa nu, an bɛ Chu gbakoo n na, an fan na‑a mɔɛ chɛ n na na.

MAKI 14:19

Mbɛ an faa bun‑da yɔn‑da, an bun‑da a fɔ‑a a ye, dɔndɔ dɔndɔɛ a, chɛ ɔ, “N gbee ma chɛ a, ae?”

MAKI 14:21

Koe min na mu, n fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MAKI 14:43

Mbɛ a ya kɔɔɛ a, Chisɔsi to‑a koɔ an na, mbɛ mɔ fanka na‑a a tan. Chudasi, a fɛ den tan kun ma fea chɛ n dɔndɔ, an ni sɔ ɔ an ya ɔ. Mɔɛ miin mbe Chu n tɛ, an bɛ Yataa, an 'na mansa nu, ni Chu n 'na sawa kan mɔɛ nu, an bɛ an 'na gbakoo n na, an fan na‑a an sɔ. Kɔn kundu ma tɛenɛ, a basan chɛɛ chɛ mɛ a, ɛ an boo ɔ.

DUKU 22:47

A yen ko, Chisɔsi to‑a koɔ an na, mbɛ mɔ fanka an na‑a, mbɛ an‑na a tan. A fɛ den tan kun ma fea chɛ n dɔndɔ, min tɔ ni Chudasi, an ni sɔ ɔ mɔɛ chɛ n ya ɔ. Mbɛ a wan Chudasi chɛ na‑a wan Chisɔsi baima gbɛdɛn, min mbe a ma, a ni Chisɔsi kɔndɔn.

CHƆN 13:26

Mbɛ Chisɔsi ɔ, “N mbe biidi sima tɛ‑a wan a a, mbɛ n‑na a don supu ɔ, mbɛ n‑na a be a mɔɛ chɛ ma.” A sin, a‑a biidi chɛ don kɛn supu chɛ ɔ, a‑a a be wan Chudasi ma, kai Saimɔn Isikayɔti 'a denɛ chɛ.

CHƆN 6:71

A da a bai chɛ sien ni ka Chudasi an ma, kai Saimɔn Isikayɔti 'a denɛ. Koe min na mu, Chudasi ni wɛɛ boo ɔ boo Chisɔsi fɛ den tan kun ma fea chɛ n dɔndɔ a, chɛɛ a wan ni danka tena Chisɔsi ma tachɛ‑a, chɛɛ ma nyɔɛ n ma.