MAKI 14:11 - Yataa 'a Dɔbɛnɛ Nama

¹¹ An sin‑na chɛ a min kɛn a da a, an bu ɔ dia‑a wan, mbɛ an dɔn‑da kɔpɔɛ gbu be koe a a ma. Mbɛ a ka gbɛ a tee chɛ ma, Chudasi ni wan gbɛ chia yan‑da, ɛ kun buɛ min dɔ, a ni Chisɔsi ma tachɛ mɔɛ chɛ n ma.

MAKI 14:11 ပူးပေါင်းရင်းမြစ်များ

MATIU 26:14

Chɛ gbakɔ, Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tan.

MATIU 26:15

Mbɛ a ɔ, “Ni n basan‑da wo ma Chisɔsi bia koe a, wo e fen be‑a n ma?” Mbɛ an bɛɛ an‑na kain gbɛnsɛn bi sawa dan, mbɛ an‑na a be a ma.

MAKI 14:10

Mbɛ Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tena, min mbe a ma, a ni Chisɔsi ma tachɛ an ma.

MAKI 14:12

Mbɛ tee saa saa che‑a bɛn chɛ ko a, biidi dɛnfɛ daun bɛn chɛ. A tee chɛ a ni, an ni sa n fa tee min ma, daun fenɛ a, kun bɔ a ɔ bɛn chɛ ko a. Mbɛ Chisɔsi fɛ denɛ n‑na a ɔ tisa, an dɔ, “I toen mu nn ni ta mende, nn ni kaina ɔ bɛn, daun fen chɛ daun koe a, i boo ɔ?”

DUKU 22:3

Mbɛ Chisɔsi fɛ den tan kun ma fea chɛ n tɛ ɔ, dɔndɔ ni wan nɔ, min tɔ ni Chudasi. A tɔɛ ma sien fan ni to, an dɔ, Isikayɔti. Sitana bea‑a wan an Chudasi chɛ fɛ.

1 TIMOTI 6:10

A mu min na, kɔpɔɛ koe, ko yama sɛsɛ ɛ a kuu sɔ an ma. Kɔpɔ koe wa dɛgbɛ chɛ, an‑na a ma, mɔɛ dɔ n ka‑a danaya chia ma Chisɔsi a, a sin‑na an na dɛ faa yɔn koe n dɔ.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.