MAKI 13:32 - Yataa 'a Dɔbɛnɛ Nama

³² Chisɔsi ɔ, “Chɛɛ mɔ ɔ mɔ ma a tee gbu sɔn, a basan a tima a, n na koe a. N fan, Yataa 'a denɛ wɛɛ, n ma a ɔ sɔn, ni n mbe na‑a tima min na. Maeka n bɛɛ, banda bu ɔ, an ma a sɔn. Fa Yataa dɔndɔ gbe, an‑na a ɔ sɔn.

MAKI 13:32 ပူးပေါင်းရင်းမြစ်များ

MATIU 25:13

Mbɛ Chisɔsi ɔ te gbɛ, “Chɛ an‑na a fɔ, wo wo kun ma fɛn. Koe min na mu, n fan, Mɔ Gbu 'a Denɛ, wo ma tee chɛ sɔn, n mbe na‑a min ma, n mbe ee baa tima chɛ ma, n mbe na‑a min kɔɔ.”

MATIU 25:19

“A ɔ mɛenɛ gbakɔ, an kun ti chɛ yɛ‑a, a ka a 'a tachɛ ɔ. A‑a a fo kɛn, mbɛ a‑a an chee, a ɔ, an ni a ɔ yian a a, an‑na fen ma kɔpɔɛ chɛ a, min to‑a an boo ɔ.

MATIU 25:6

“Su tɛ ɛ che‑a, mbɛ mɔ dɔndɔ‑a yee tɛ. A ɔ, kai gbu na‑a, an mbe min ma kɔn tena, a ɔ, mɔ ɔ mɔ ni bɔ baa ma, an ni a tan.

MAKI 13:31

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

CHISƆSI 'A SƆ MƆƐ NU 1:7

Mbɛ Chisɔsi ɔ te, “Fa Yataa dɔndɔ gbe an mbe kun a ni a ɔ bɛn, ni an koe chɛ n mbe ma tima miin na. A sin, wo ta ɔ ma chɛ a, a ɔ sɔn koe a, ni an mbe ma tena tima miin na.

2 PITA 3:10

Chɛɛ Mansa Chisɔsi na tima, ɛ ma‑a wan tɛnɛ koe a, yɔ kanka ɛ na buɛ min dɔ. A tee chɛ ma, kuiɛ mau mau ɛ ka‑a wan banda a, mbɛ banda ee ma‑a to dunya ɔ. Ta ɛ tɛ‑a wan fen kɔ fen dɔ min mbe banda a, mbɛ an kasaa‑a. A sin duu gboo wɛɛ, ni fen kɔ fen min mbe a ma, an gbɛɛ ee ma‑a to dunya ɔ.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.