MAKI 13:27 - Yataa 'a Dɔbɛnɛ Nama

²⁷ A sin, n mbe n 'na maeka n na ta‑a wan, an ni mɔɛ chɛ n na sɔn sɔn, n‑na n boo sɔ miin ma, ma koe a n ta mɔɛ n na. N mbe an na sɔn sɔn‑da wan, a ka dunya tɔnkɔnɛ naaninɛ gbɛɛ ɔ, a ka kan kɔ kan dunya gbɛɛ ɔ.”

MAKI 13:27 ပူးပေါင်းရင်းမြစ်များ

MATIU 12:42

A sin tee min na Yataa ɛ ma‑a dunya gbɛmbo‑a, musu min ni mansa a Seba chɛnyɛ ɔ, a wɛɛ‑a a kɔɔ sɔ‑a wan a ka saya ɔ, mbɛ a‑a wo yɛi siiya bɔ. A mu min na, a na‑a ka wan dunya danka a, na koe a, a too ma sɔ‑a Sɔɔmon 'na yiimatɛ bai n ma. Mɔɛ yen ko wo tɛ gbɛ, min benden mu Sɔɔmon ma, chɛɛ wo ee wo to sɔ tena a ma.”

MATIU 13:41

N fan, Mɔ Gbu 'a Denɛ, n mbe n 'na maeka n na na wan mɔɛ chɛ n tɛ ɔ, miin mbe Yataa 'a mansaya kɔɔ. An mbe mɔɛ chɛ n gbɛɛ a sɔn sɔn‑da wan, mɔɛ miin mbe ko yama ma‑a, ni miin bɛɛ an bɔɛ n na dɛ‑a ko yama ɔ.

MATIU 13:49

Ɛ ma‑a ka wan dunya danka wɛɛ a. Maeka n mbe na‑a wan dunya ɔ, mbɛ an‑na mɔ yama n ya bɔ mɔ tandenɛ n na Yataa tena,

MATIU 24:22

Chɛɛ Yataa‑a a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.”

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

MAKI 13:20

Chɛɛ Mansa Yataa‑a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MAKI 13:28

Mbɛ Chisɔsi ɔ, “Wo wo yii na chii wɛ kɔnɛ ma. Ni wo‑a a yen pɔmbɔ‑a, a ni ma gbɛ wo yii ma, mbɛ sama ɔ ma yansan to.

DUKU 16:22

“Tima che‑a wan, mbɛ yɔn tɔɛ chɛ fa‑a, mbɛ maeka n ta‑a a a, an‑na a si kai Ebeami baima, banda bu ɔ. Mbɛ chɛ gbakɔ, nyan tɔɛ chɛ wɛɛ fa‑a, mbɛ an‑na a tɔn,

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

CHƆN 10:16

N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

GBOO DOMI KO A 8:33

Mɔ ee nɔ min mbe kunɛ si chɛ n kun ma, Yataa‑a a boo sɔ ka a 'a mɔɛ miin ma. Yataa wandi ban‑da a fɔ‑a, mbɛ mɔ chɛndɛ mu an na.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

GBOO FEAN BƆƐ TƐSADONIKA KO A 2:1

N mbe bai sa tena gbɛ, a si mmɔ 'a mansa Chisɔsi Chasi yɛ koe ma to dunya chɛ ɔ, a ni mmɔ a sɔn sɔn kaina dɔndɔɛ, a wandi tena. Nn suun ma nyɔɛ nu Chasi ɔ, nn mbe wo disa tena wan.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.