MAKI 13:13 - Yataa 'a Dɔbɛnɛ Nama

¹³ Wo sin, mɔɛ n gbɛɛ, an mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.”

MAKI 13:13 ပူးပေါင်းရင်းမြစ်များ

MATIU 10:22

Mɔɛ n gbɛɛ mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.

MATIU 24:13

Chɛɛ i wɛn mbe i faa bia‑a aan a danka a, Yataa ɛ i baun‑da wan.

MATIU 24:9

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa.

MAKI 13:12

A sin, mɔɛ ɛ a suun ma nyɔɛ be‑a wan, an ni a fa. A yɛ to, mɔɛ fa ni a 'a denɛ be. Denɛ n bɛɛ gbu sin, an mbe sɔ‑a wan kan, an woo mɔɛ n na, an ni an fa.

DUKU 21:17

Mɔɛ n gbɛɛ mbe too‑a wan wo a, a si n ma.

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 15:21

Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.

CHƆN 17:14

I‑a sakana min be n ma an ko a, n‑na a ben fan an tena. An sin, an bɛ ee mɔɛ chɛ n na ko dɔndɔ ɔ, i wakoe ee miin faa ɔ. Chɛ ko a, an fɛn mbe i faa ma koe ma ka, an ko a ma di chɛ n ye, miin mbe ee i faa ma koe ma ka.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

Gboo Kadesia Ko A 6:9

Chɛ an fɛ mu, mmɔ gboo ɔ ma fa ko chɛndɛ ma koe a. Koe min na mu, tima ɛ che‑a wan, ni mmɔ ma sɛmbɛ ni, mbɛ mmɔ‑a a tɔnɔnɛ ma sɔn.

GBOO IBU MƆƐ N KO A 10:39

Chɛɛ mɔɛ ma mmɔ wan na, miin mbe an kan kɔ sɔ, mbɛ an ka‑a Yataa chia ma. Chɛɛ mmɔ kai faen fan mu Chisɔsi a, a sin, mmɔ kun kaen fan mu.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

1 CHƆN 3:13

Chɛ an fɛ mu, n suun ma nyɔɛ nu, a ma ma wo ma tɛnɛ ma koe a, ni dunya chɛ ɔ mɔɛ n too‑a wo wɛɛ a.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.