MAKI 13:11 - Yataa 'a Dɔbɛnɛ Nama

¹¹ Ni an na‑a wo a kun ti n tena, wo gbɛmbo koe a, an ni wo be gbae, wo faa ma gbaa, a si bai ma, wo e na tena min fɔ‑a. Chɛɛ bai ɔ bai, wo e min ma sɔn‑da a tima chɛ kɔɔ, wo e an fɔ. Koe min na mu, wo fɔ bai nu ma, wo e miin fɔ‑a, chɛɛ a bai chɛ n mbe ka tena Yataa Nyina an tena.

MAKI 13:11 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MAKI 13:12

A sin, mɔɛ ɛ a suun ma nyɔɛ be‑a wan, an ni a fa. A yɛ to, mɔɛ fa ni a 'a denɛ be. Denɛ n bɛɛ gbu sin, an mbe sɔ‑a wan kan, an woo mɔɛ n na, an ni an fa.

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

CHƆN 3:27

Chɔn dɔ, “Ni koe ma‑a ka, Yataa an dɔn‑da a ma.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

CHISƆSI 'A SƆ MƆƐ NU 6:10

Chɛɛ an nii kun an ni sɔ Sitibin 'na yiimatɛ a, koe min na mu, Yataa Nyina ni bai n don fan a da a, a fɔ koe a.

CHISƆSI 'A SƆ MƆƐ NU 6:15

Mɔɛ miin gbɛɛ ni ka si ɔ an Chu kuti wa ɔ, an ya to‑a ka wan Sitibin na, mbɛ an‑na a ya kɔɔɛ yen, yɔ maeka ta ɛ buɛ min dɔ.

CHISƆSI 'A SƆ MƆƐ NU 7:55

Chɛɛ Yataa Nyina ni wan Sitibin fɛ gban. Mbɛ a‑a a ya a sɛ banda a, a‑a Yataa 'a manɛ yen ɛ man‑da. A yɛ to, a‑a Chisɔsi wɛɛ yen, ɛ sɔ ɔ Yataa boo nyima ɔ.

GBOO SAA KƆYINDI KO A 2:13

An fɛ mu, nn mbe bai chɛ n fan fɔ mɔ dɔ gbɛɛ ye. N sin mbe ee a fɔ an ye, daɔdia bai n fan dɔ, yɔ mɔɛ n mbe an yii na chii miin na, mɔɛ n kan koe a. Chɛɛ nn mbe min ma, nn mbe bai n fan sa, Yataa Nyina ɛ min don nn da ɔ, an sa koe a. Nn mbe Yataa Nyina ta bai ɔ yian, a wandi ta bai an na, ɛ min fɔ nn ye.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

CHIMISI 1:5

Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.