MAKI 12:5 - Yataa 'a Dɔbɛnɛ Nama

⁵ Mbɛ a‑a dɔ mende a ta to, a sawan bɔɛ gbɛ. An‑na a nɛnɛ fa wan. An‑na bɔi denɛ to gbaa nɛnɛ n bɛɛ bia ka wan, yɔ a saa chɛ nu. An‑na dɔ n boan fan, mbɛ an‑na dɔ n sin fa.

MAKI 12:5 ပူးပေါင်းရင်းမြစ်များ

MATIU 22:6

Chɛɛ dɔ n sin chɛ‑a wan bɔi den chɛ n ma, mbɛ an‑na an popoya, an mbe e na to an fa‑a.

MATIU 23:37

Mbɛ Chisɔsi ɔ, “Wo wan Chuusaɛn mɔɛ nu, wo‑a a tun Yataa 'a gbonka chɛ mɔɛ n fa koe a. A yɛ to, Yataa ɛ a 'a sɔ mɔɛ miin na na wo tena, wo‑a a tun to an bon koe a, an ni fa. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye.

MATIU 5:12

Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”

MAKI 12:4

Mbɛ yadi ti chɛ‑a a 'a bɔi denɛ dɔ mende a ta wan to, a fean bɔɛ ɔ. Chɛɛ yadi kun ma fɛn mɔɛ chɛ n‑na a nɛnɛ ma gba wan, a kunɛ ɔ, mbɛ an‑na mauma koe n sɛ a ma.

MAKI 12:6

Chɛɛ dɔndɔ gbe ni wan a boo ɔ gbɛ, a a ta koe a an tena, a 'a denɛ, min ko a ni di a ye gbeden. Mbɛ a yiima ɔ, a ɔ, ‘An mbe basɔmaya be‑a wan n 'na denɛ wandi gbu ma.’

MAKI 9:13

Chɛɛ n ni a ma din wo tena, mbɛ Idaicha gbu ban‑da na‑a. A sin, an ban‑da koe gbɛɛ sɛ‑a a ma, an toen ni an ni miin sɛ a ma. An na‑a a ma a a, yɔ Yataa 'a gboo na‑a a fɔ buɛ min dɔ.”

DUKU 6:36

Chinchimaya ni ma wo ɔ, yɔ Fa Yataa wɛɛ chinchimayaen mu buɛ min dɔ.”