MAKI 12:29 - Yataa 'a Dɔbɛnɛ Nama

²⁹ Mbɛ Chisɔsi ɔ, “Sawa chenama gbu yen ko. ‘Wo a a min, wo wan Isɔɛɛ mɔɛ nu. Mansa Yataa, an mu mmɔ 'a Yataa a. A ɛ dɔndɔ gbe.

MAKI 12:29 ပူးပေါင်းရင်းမြစ်များ

MATIU 10:37

“Mɔ ɔ mɔ kan kɔ kan, i wɛn toen mu i ni bea n fɛ, i yii ka i fa a, i ni i yii ka i de a, mbɛ i bea‑a n fɛ. A yɛ to, mɔɔ ni i‑a i yii ka i 'a den kaienɛ a, ni i 'a den musuenɛ, mbɛ i bea‑a n fɛ.

MATIU 23:9

Wo ma mɔ ɔ mɔ dɔ mende chee dunya chɛ ɔ, wo ɔ, fa. A mu min na, wo Fa ɛ dɔndɔ gbe, min mbe banda bu ɔ.

DUKU 10:27

Mbɛ kamin chɛ ɔ, “Yataa ɔ te, mmɔ ni to mmɔ 'a mansa Yataa a, mmɔ faa gbɛɛ a, mmɔ ni to a a, mmɔ fɔɛ gbɛɛ a, mmɔ ni to a a, mmɔ sɔɛ gbɛɛ a, mmɔ ni to a a, mmɔ yiima gbɛɛ a. Mbɛ a yɛ to, Yataa ɔ te, mmɔ ni to mmɔ 'a mɔɛ n na, yɔ mmɔ toen mu buɛ min dɔ mmɔ wandi a.”

GBOO DOMI KO A 3:30

Yataa ɛ dɔndɔ gbe, a sin, Chu mɔɛ nu, ni miin ma Chu mɔɛ n na, ɛ an ma‑a wan mmɔ tandenɛ n na a chen kɔɔ. Chɛ ɛ bɔ‑a an 'na kaifa an dɔ Chisɔsi a.

GBOO SAA KƆYINDI KO A 8:4

Chɛ sin fan mbe n da a gbɛ, a si an daun fenɛ daun koe ma, mɔɛ n mbe min bɔ yasi a, fen chɛ n tena, miin ma Yataa a. Mmɔ gbu‑a a ɔ sɔn fan, mbɛ an fen chɛ n mbe ee fɔɛ ɔ. Mmɔ‑a a ɔ sɔn fan, mbɛ Mansa Yataa ɛ dɔndɔ gbe.

Gboo Kadesia Ko A 3:20

Tɛ mɔɛ tana, a 'a wai mu kaka fea gbɛɛ faa chima koe an na. Chɛɛ Yataa dɔndɔ gbe, an‑na tooɔdia chɛ Ebeami a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 TIMOTI 2:5

Koe min na mu, Yataa ɛ dɔndɔ gbe. A sin, mɔ dɔndɔ gbe an mbe mmɔ tɛ mmɔ bɛ a a. A mɔɛ chɛ mu Chisɔsi Chasi an na,

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.