MAKI 12:14 - Yataa 'a Dɔbɛnɛ Nama

¹⁴ An na‑a Chisɔsi tena, mbɛ an dɔ, “Ticha, nn‑na a ɔ sɔn fan, mbɛ danaya tɔɛ mu i a. I ma i gbɔsɔ ni mɔ gbu ɛ min fɔ, a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ i ma i gbɔsɔ ni mɔ 'a sɔ tena ko a, chɛɛ e mɔɛ n kan Yataa bai miin gbɛɛ a, tea mu an na. A ɔ yian bɛ nn na, i ta yiima ɔ, i‑a pawa chɛ be koe yen ka ma Domi kun ti wa ma, a nyin fan?”

MAKI 12:14 ပူးပေါင်းရင်းမြစ်များ

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 22:17

Chɛ an fɛ mu, a yen ko, mmɔ ɛ pawa chɛ tima ɔ tima, Domi kun ti wa tena. A ɔ yian bɛ nn na, i ta yiima ɔ, i‑a pawa chɛ be koe yen ka ma, a nyin fan?”

MAKI 12:13

Mbɛ an‑na Fayisii dɔ n sɔ, an bɛ Mansa Ɛdɔdi fɛ mɔɛ dɔ n na, Chisɔsi tena. An toen ni, an ni a ɔ chɛ tisa chɛ a a, mbɛ an‑na a bia a chen kɔ, a da a bai ɔ.

MAKI 12:15

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”

MAKI 14:45

Mbɛ an‑na a fo kɛn, Chudasi ta‑a Chisɔsi tan a ya kɔɔɛ a, mbɛ a ɔ, “Kan mɔ,” mbɛ a‑a a kɔndɔn.

DUKU 20:22

Chɛ an fɛ mu, a yen ko, mmɔ ɛ pawa chɛ tima ɔ tima Domi kun ti wa tena. I‑a pawa chɛ be koe yen ka ma, a nyin fan?”

DUKU 23:2

Nɔ ni, an‑na a kuu sɔ kunɛ si‑a a kun ma, an dɔ, “Kamin chɛ an mbe ben‑da nn 'na mɔɛ n sɔ‑a chia yama n ma, ɛ ta‑a a fɔ‑a an ye, a ɔ, an ma chɛnyɛ pawa chɛ Domi kun ti wa tena. Mbɛ a yɛ‑a, a‑a a wandi chee Chasi a, min mu mansa a.”

CHƆN 7:18

Mɔɛ min mbe kanɛ chɛ, a wandi kun ma a a, a toen mu a ni a wandi an na buu fɛ. Chɛɛ mɔɛ min toen mu, mɔɛ min‑na a sɔ, a ni tando ma sɔn, a mɔɛ chɛ tea mɔɛ mu. A ee fania kan kɔ kan fɔ.

GBOO DOMI KO A 13:6

A chia dɔndɔ gbe chɛ a, wo wo 'a pawa n bɛɛ chɛ. Koe min na mu, a nyin kɔmende wai chɛ mɔɛ n ni an 'na pawa ma sɔn. Chɛ an mbe a ma, an gboo ɔ ee fa‑a wai chɛ chɛ koe a, Yataa‑a an sɔ min chɛ a.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 2:2

Koe min na mu, ni n‑na wo faa yɔn, mɔ dɔ gbɛɛ ee ma‑a to nɔ n bu ɔ dia koe a. Chɛ ee ma‑a, fɔ wo wan dechee, n‑na wo wɛn faa yɔn, wo wan mbe n bu ɔ dia.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.

GBOO FEAN BƆƐ KƆYINDI KO A 5:16

Chɛ an fɛ mu, a ka gbɛ sanche ma, mmɔ ee mɔ ɔ mɔ ya to mɔgbuya ta fɛ chia a. Mmɔ na‑a Chasi wɛɛ ya boo ɔ boo mɔgbuya ta fɛ chia a, tima dɔndɔ a, mmɔ ee an yiinachii chɛ chɛ tena to a a.

Gboo Kadesia Ko A 1:10

Ni n ma‑a chɛ fɔ‑a, n mbe ee ka a ma‑a na tea tea ɔ, mɔ gbu n ni to n na. Chɛɛ n mbe a ma tena wan ka, Yataa faa ni chima n na. Ni n toen ni tun mɔ gbu n faa ma koe an na, n nii che ma‑a tima chɛ a, Chasi 'a wai chɛ mɔɛ a.

Gboo Kadesia Ko A 2:6

A sin, mɔɛ chɛ nu, baa ni miin ma (Yataa ee mɔ gbu tɛ bɔ, chɛ ko a mu, n ma n gbɔsɔ ni an ni buɛ min dɔ), an nɛnɛ nu, an nii ma fen fen na. Ka n ni chɛ fɔ to, mɔɛ miin mu, baa ni an ma, an nii ma fen kɔ fen sa ni n 'na sakana bai kun ma.

Gboo Saa Tɛsadonika Ko A 2:4

Chɛɛ nn mbe koɔ wan, yɔ Yataa toen mu nn ni a 'a sakana bai chɛ fɔ buɛ min dɔ, nn sɔen mu min fɔ koe a. A‑a nn dɔ siman fan, a‑a a yen gbɛ mbɛ ɛ che wan dan‑da nn na. Nn ta wai mu min na, an nɛ, Yataa faa ma koe n ma koe a. Chɛɛ nn mbe ee mɔ gbu n faa ma koe n fan ma. An‑na nn yii ma koe n dɔ sɔn.