MAKI 12:12 - Yataa 'a Dɔbɛnɛ Nama

¹² Chu n kun ti n toen ni, an ni Chisɔsi bia. Koe min na mu, a ni wan an yii ma, a 'a tai chɛ sien mu an fan ma. Chɛɛ an chian‑da wan mɔ fanka fanka chɛ ma, mbɛ an‑na a to nɔ, an ta‑a an ye.

MAKI 12:12 ပူးပေါင်းရင်းမြစ်များ

MATIU 21:26

Chɛɛ ni mmɔ sin‑na a fɔ to, mbɛ Chɔn 'na gbasaya ka‑a mɔ gbu an na, mɔ fanka fanka min mbe ka nɛ, an mbe ko yama ma‑a wan mmɔ a. A mu min na, an gbɛɛ danden fan mu a a, mbɛ Chɔn ni Yataa 'a gbonka chɛ mɔɛ an na.”

MATIU 22:22

An tɛnɛ‑a wan a a, kɛn an‑na a a min, Chisɔsi‑a an yɛman buɛ chɛ ɔ. Mbɛ an‑na a to, an ta‑a.

MAKI 11:18

Mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an‑na bai chɛ a min kɛn, an‑na a kuu sɔ wan chia yan‑da Chisɔsi fa koe a. An chiandenɛ ni a ma. Koe min na mu, a na‑a kanɛ chɛ buɛ min dɔ, fanka wa chɛ gbɛɛ nɔ, a na‑a an da a fa wan.

MAKI 11:32

Chɛɛ mmɔ sin mbe ee che a fɔ‑a to, mbɛ Chɔn 'na gbasaya ka‑a mɔ gbu an na.” (An na‑a chɛ fɔ, a mu min na, an chianden fan ni fanka fanka chɛ n ma, miin ni nɔ. Koe min na mu, an gbɛɛ danden fan ni a a, mbɛ Chɔn ni Yataa 'a gbonka chɛ mɔɛ chɛndɛ chɛndɛ an na).

DUKU 20:19

A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma.

DUKU 20:6

Chɛɛ ni mmɔ sin‑na a fɔ to, mbɛ Chɔn 'na gbasaya ka‑a mɔ gbu an na, mɔ fanka fanka min mbe ka nɛ, an mbe mmɔ bon‑da wan. A mu min na, an gbɛɛ danden fan mu a a, mbɛ Chɔn ni Yataa 'a gbonka chɛ mɔɛ an na.”

CHƆN 7:25

Mbɛ an mɔɛ chɛ dɔ nu, Chuusaɛn duu ɔ mɔɛ chɛ nu, an bun‑da wan a fɔ‑a, an dɔ, “Mɔna chɛ chɛndɛ chɛndɛ an nɛ, mmɔ ya ɔ sɔɛ chɛ n mbe min yan tena, a fa koe a.

CHƆN 7:30

Chisɔsi kuiɛ chɛ gbakɔ, mɔɛ chɛ dɔ n toen ni an ni a bia fɔin. Chɛɛ mɔ ɔ mɔ ma a boo tu ni a a. Koe min na mu chɛ ma‑a, tima nii ma chɛ a, tima min yianden ni a 'a fɔɛ ɔ, a bia koe a.

CHƆN 7:44

An dɔ nu, an toen fan ni, an ni a bia fɔin, chɛɛ mɔ ɔ mɔ ma a boo tu ni a a.