MAKI 12:1 - Yataa 'a Dɔbɛnɛ Nama

¹ Mbɛ Chisɔsi bun‑da koɔ‑a an tena tai ɔ, a ɔ, “Kaminɛ ni wan nɔ, min‑na yadi sa. Mbɛ a‑a yadi chɛ da a sansa gbɛɛ, mbɛ a‑a a a bɛn. Mbɛ a yɛ‑a, a‑a bondonɛ nyan, ɛ a tɛn kaina, a ni a yii bɔ a ɔ. Mbɛ a yɛ‑a to, a‑a gbasa sɔ, a 'a yadi chɛ kun ma fɛn koe a. A ban‑da kɛn chɛ gbɛɛ ma‑a, mbɛ a‑a yadi chɛ kunɛ don mɔɛ n boo ɔ, a kun ma fɛn koe a, mbɛ a ta‑a chɛnyɛ dɔ mende ɔ.

MAKI 12:1 ပူးပေါင်းရင်းမြစ်များ

MATIU 13:3

Mbɛ a bun‑da tai sɛsɛ tɛ‑a an tena. A ɔ, “Tee dɔndɔ a, kamin dɔndɔ ta‑a wan a 'a sɛnɛ ɔ chin fen fasi tena.

MATIU 21:28

Mbɛ Chisɔsi ɔ, “Wo tai chɛ yen bɛ, a si kamin dɔndɔ ma, an bɛ a 'a den kaien fea n na. Tima dɔndɔ che‑a wan, mbɛ kamin chɛ ta‑a a 'a denɛ chenama tena. Mbɛ a ɔ, ‘Saa, ta bi, i ni wai chɛ yadi ɔ.’

MATIU 21:33

Mbɛ Chisɔsi ɔ te to, “Wo wo too ma sɔ tai chɛ wɛɛ ma. Kaminɛ ni wan nɔ, min‑na yadi sa. Mbɛ a‑a yadi chɛ da a sansa gbɛɛ, a‑a a a bɛn. Mbɛ a yɛ‑a, a‑a bondonɛ nyan, ɛ a tɛn kaina, a ni a yii bɔ a ɔ. Mbɛ a‑a gbasa sɔ a 'a yadi kun ma fɛn koe a. A ban‑da kɛn chɛ gbɛɛ ma‑a, mbɛ a‑a yadi chɛ kunɛ don mɔɛ n boo ɔ, a kun ma fɛn koe a, mbɛ a ta‑a chɛnyɛ dɔ mende ɔ.

MATIU 21:34

Chin fen chɛ kai tima che‑a kɛn, yadi ti chɛ‑a a 'a bɔi denɛ n na ta wan yadi kun ma fɛn mɔɛ chɛ n tena. A toen ni an ni a ta chin fenɛ be an ma, mbɛ an na‑a a a a ye.

MATIU 25:14

Chisɔsi ɔ te to, “Tima min na Yataa ɛ ma‑a a 'a mansaya ɔ yian‑da, ɛ ma‑a ka wan, yɔ min ma‑a tai chɛ ɔ. Kun ti dɔndɔ ni wan nɔ, min toen ni a ni ta tachɛ ɔ yansama ɔ. Mbɛ a‑a a 'a sɛn dɔ kamin sawa an chee, a ɔ, an ni to a boo fenɛ gbɛɛ kun ma.

MAKI 11:33

Chɛ ko a, an‑na a fɔ wan Chisɔsi ye, an dɔ, “Nn ma a ɔ sɔn, ni Chɔn na‑a a 'a gbasaya chɛ sɔn kaina.” Mbɛ Chisɔsi wɛɛ ɔ, “N bɛɛ, n mbe ee a ɔ yian wo a, ni nyɔn 'na gbasaya ɔ mu, n mbe koe chɛ n ma tena.”

MAKI 13:34

A ɛ wan yɔ mɔɛ, ɛ ma ta‑a tachɛ ɔ. A ɛ ma a waa boo ka‑a, ɛ a 'a bɔi denɛ n to wan chenɛ kun ma fɛn koe a. A ɛ mɔ ɔ mɔ ta wai be wan a ma, mbɛ a‑a a fɔ a 'a chen ma kɔn mɔɛ n ye, a ɔ, an ni chenɛ kun ma fɛn.

MAKI 3:23

Mbɛ Chisɔsi‑a an chee, a koɔ‑a an tena, tai ɔ. A ɔ, “Sitana ee a wandi gbain, mɔɛ n fɛ.

MAKI 4:2

A‑a an kan fan ko sɛsɛ ma, tai n dɔ. A‑a a fɔ wan an ye, a ɔ,

DUKU 15:13

Tee kuun den ben‑da kɛn, denɛ dɔma chɛ‑a a ta boo fen chɛ n gbɛɛ ma tachɛ, mbɛ a bɔ‑a a waa duu chɛ ɔ, kɔpɔɛ chɛ ɛ a boo ɔ. A ta‑a chɛnyɛ min dɔ, a ɔ ni yansan kaka. A ni kɛn nɔ an chɛnyɛ chɛ ɔ, a‑a kɔpɔɛ chɛ gbɛɛ yɔn baa baa chia an fan na.

DUKU 19:12

Chɛ‑a a ma wan, a‑a a fɔ, a ɔ, “Mansa den dɔndɔ bɔ‑a wan a 'a chɛnyɛ ɔ, mbɛ a ta‑a gboo mansa chɛnyɛ dɔ mende ɔ pɔɔ. A toen ni kun ti wa min ni nɔ, a ni a si mansa a, mbɛ a yɛ‑a a waa a.

DUKU 22:9

Mbɛ an dɔ, “I toen mu nn ni kaina minan dɔ bɛn daun fen chɛ daun koe a?”

DUKU 8:10

Mbɛ a ɔ, “Mɔɛ gbɛɛ nii ma min dɔ sɔn tee, a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, n mbe koɔ an tena tai an dɔ. Min mbe a ma, an ya a kaenɛ ɛ ma‑a wan, an ni kaina fɛn, chɛɛ an mbe ee ko ɔ ko ɔ yen‑da. Mbɛ an mbe an too ma sɔ‑a wan, chɛɛ an mbe ee ko ɔ ko ɔ gbɛ‑a.”

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.