MAKI 11:18 - Yataa 'a Dɔbɛnɛ Nama

¹⁸ Mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an‑na bai chɛ a min kɛn, an‑na a kuu sɔ wan chia yan‑da Chisɔsi fa koe a. An chiandenɛ ni a ma. Koe min na mu, a na‑a kanɛ chɛ buɛ min dɔ, fanka wa chɛ gbɛɛ nɔ, a na‑a an da a fa wan.

MAKI 11:18 ပူးပေါင်းရင်းမြစ်များ

MATIU 21:15

Mbɛ den mɛsɛ n bun‑da yee tɛ‑a Yataa 'a kata chɛ ɔ, an dɔ, “I wɛn bɔ‑a Mansa Defidi 'a dambi ɔ, nn ni i tando.” Chu n tɛ mɔɛ nu Yataa a, an 'na mansa dɔ n ni wan nɔ, an bɛ Chu n 'na sawa kan mɔɛ n na. An faa tɛ‑a wan, kɛn an‑na yee chɛ a min, a basan kamaya koe chɛ n na, an‑na Chisɔsi yen miin ma‑a.

MATIU 7:28

Mbɛ Chisɔsi ban‑da kɛn bai chɛ fɔ‑a, mɔɛ miin ni ka nɔ, an da ɔ gbaa‑a wan, a 'a kan chɛ buɛ ma.

MAKI 1:22

A‑a miin kan ka, an da ɔ gbaa‑a wan, a 'a kan chɛ buɛ a. A ta kanɛ, gbasaya wa, an ni a ɔ, a ben mɔɛ chɛ n ma, miin ni Chu n 'na sawa kan.

MAKI 11:32

Chɛɛ mmɔ sin mbe ee che a fɔ‑a to, mbɛ Chɔn 'na gbasaya ka‑a mɔ gbu an na.” (An na‑a chɛ fɔ, a mu min na, an chianden fan ni fanka fanka chɛ n ma, miin ni nɔ. Koe min na mu, an gbɛɛ danden fan ni a a, mbɛ Chɔn ni Yataa 'a gbonka chɛ mɔɛ chɛndɛ chɛndɛ an na).

MAKI 12:12

Chu n kun ti n toen ni, an ni Chisɔsi bia. Koe min na mu, a ni wan an yii ma, a 'a tai chɛ sien mu an fan ma. Chɛɛ an chian‑da wan mɔ fanka fanka chɛ ma, mbɛ an‑na a to nɔ, an ta‑a an ye.

MAKI 3:6

Mbɛ Fayisii chɛ n bɔ‑a baa ma. Mbɛ an bɛ mɔɛ chɛ n na, miin ni Mansa Ɛdɔdi 'a mɔɛ n na, an bun‑da an kun puin‑da kaina dɔndɔɛ, an mbe ma buɛ min dɔ, an ni Chisɔsi fa.

MAKI 6:20

Mansa Ɛdɔdi chianden fan ni Chɔn bakoe ma. Koe min na mu, Chɔn ni mɔ tandenɛ an na, Yataa chen kɔɔ, min ni tenchen Yataa ko a. Chɛ na‑a a ma wan, Mansa Ɛdɔdi‑a a konde gbain. A toen ni a too ma sɔ koe a, Chɔn ni ma koɔ‑a. Chɛɛ chɛ gbɛɛ ɔ, a da a bai ni Mansa Ɛdɔdi kɔndɔ fii wan, tima ɔ tima ko a.

DUKU 19:47

Tee ɔ tee a gbɛ, Chisɔsi ni kanɛ chɛ wan Yataa 'a kata chɛ ɔ. Mɔɛ miin ni Chu n tɛ ɔ Yataa a, an 'na mansa nu, an toen ni an ni Chisɔsi fa. An bɛ Chu n 'na sawa kan mɔɛ n na, a basan ya ɔ sɔɛ gbakoo n na, an yiima ni dɔndɔ.

DUKU 2:47

Mɔɛ miin gbɛɛ ni nɔ, an da ɔ gbaa‑a wan yiimatɛ a, min ni a 'a tisa yɛman buɛ ɔ.

DUKU 20:19

A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma.

DUKU 4:22

An gbɛɛ bun‑da bai ma kawaenɛ n fɔ‑a, a si Chisɔsi ma. A sin, an tɛnɛ‑a wan a a, a koɔ‑a buɛ min dɔ chɛndɛ chɛ. Chɛɛ an yɛ‑a wan, an‑na a fɔ, an dɔ te, “N bɔ, ka wɛ, Chosɛfi 'a denɛ an nɛ.”

CHƆN 7:1

Chɛ gbakɔ, mbɛ Chisɔsi ben ben‑da Kadidi chɛnyɛ ɔ. A nii ma to ni, a ni gbɛn Chudia chɛnyɛ ɔ ma ɛnden bɛɛ a. A mu min na, Chu n ya ɔ sɔɛ nu nɔ, an ma bɛnden fan ni a fa koe a.

CHƆN 7:19

Wo gbɛɛ dɔnden fan mu a ma, mbɛ Mosisi an‑na sawa chɛ n be wo ma. Chɛɛ wo dɔndɔ wɛɛ ee tachɛ tena sawa chɛ n na chɛndɛ. Fen ko a mu, wo toen mu wo ni n fa?”

CHƆN 7:46

Mbɛ an dɔ, “Kamin chɛ, a da a kuiɛ, a kaen fan mu mɔ gbu kan kɔ kan ta ma.”

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”