MAKI 11:1 - Yataa 'a Dɔbɛnɛ Nama

¹ Mbɛ Chisɔsi n‑na a fo Bɛfachi konko baima, a basan Bɛtani a. Konko chɛ n ni Wodifi kɔnkɔɛ ma wan, an sin dɔ nii ma yansan Chuusaɛn duu ɔ a. Nɔ ni, a‑a a fɛ den fea an sɔ.

MAKI 11:1 ပူးပေါင်းရင်းမြစ်များ

MATIU 21:17

Mbɛ a‑a mɔɛ chɛ n to Yataa 'a kata chɛ ɔ, mbɛ a ta‑a Bɛtani duu ɔ, mbɛ a chi‑a nɔ.

MATIU 24:3

Chɛ gbakɔ, Chisɔsi ni wan si ɔ Wodifi kɔnkɔɛ kun ma, mbɛ a fɛ denɛ n na‑a a tena. Mbɛ an dechee a nɔ, an dɔ, “I‑a bai miin fɔ ka, a ɔ yian nn na, ni sɔyɔ mu koe chɛ n mbe ma‑a. Nn mbe a ɔ sɔn‑da ka ma, mbɛ dunya danka che‑a, i na koe a? A tɔmɔsi ɛ ma‑a fen na?”

MATIU 26:30

Mbɛ Chisɔsi n‑na Yataa si sa, an bɛ a fɛ denɛ n na. Mbɛ an ta‑a kɔnkɔɛ chɛ ɔ, min tɔ ni Wodifi kɔnkɔɛ.

MAKI 11:2

A ɔ, “Wo ta konko chɛ ɔ wo ya teen ma. Ni wo che‑a nɔ dechee, wo e sofɛ tɔngbɔɛ tan‑da wan, a chiienɛ ɛ, mɔ ɔ mɔ ma si nin bɛ min kɔ. Wo a fuin, wo ni na a a.

MAKI 13:3

Mbɛ Chisɔsi ni kɛn si ɔ Yataa 'a kata chɛ ya teen ma, Wodifi kɔnkɔɛ kun ma, mbɛ Pita ni ma, Chimisi, Chɔn ni Anduu, an na‑a a tena. An dechee ni, mbɛ an dɔ,

MAKI 14:13

Mbɛ Chisɔsi‑a a fɛ denɛ n sɔ, an mɔ fea, ta koe a Chuusaɛn duu ɔ. A ɔ an ma, “Wo e ma‑a wo kunɛ a don‑da duu wa chɛ ɔ, wo e kaminɛ tan‑da wan, ɛ ta‑a yii a da ɔ. Wo bea a fɛ.

MAKI 6:7

Mbɛ a‑a a fɛ den tan kun ma fea chɛ n na kan, a‑a an sɔ, fea fea a. A‑a gbasaya be an ma, nyina yama n gbain koe a mɔɛ n fɛ.

CHƆN 8:1

Chɛɛ Chisɔsi tana, bɛn chɛ fasandenɛ gbakɔ, a sɛ‑a kɔnkɔɛ chɛ an dɔ, an ni min chee, an dɔ, Wodifi kɔnkɔɛ.

CHISƆSI 'A SƆ MƆƐ NU 1:12

Chisɔsi 'a sɔ mɔɛ chɛ n ni Wodifi kɔnkɔɛ ɔ wan, min nii ma che ni mai dɔndɔ tachɛ ɔ a ta Chuusaɛn duu wa chɛ ɔ. Mbɛ an yɛ‑a Chuusaɛn gbu.