MAKI 10:46 - Yataa 'a Dɔbɛnɛ Nama

⁴⁶ Mbɛ an che‑a Chɛiko duu ɔ. Chisɔsi n mbe kɛn bɔ‑a nɔ, an bɛ a fɛ denɛ n na, ni mɔ fanka miin ni an fɛ, an‑na kamin dɔndɔ tan fan si ɔ, chia kunɛ a. A tɔ ni Batimayɔsi, kai Timayɔsi 'a denɛ. Fion tɔɛ ni, a sin ni fenɛ an fuin.

MAKI 10:46 ပူးပေါင်းရင်းမြစ်များ

DUKU 18:35

Mbɛ Chisɔsi gbɛn‑da Chɛiko duu baima. A tima chɛ a ni, a‑a ya te tɔ dɔndɔ tan si ɔ chia tɔnfɛ, ɛ fen fuinɛ a.

CHƆN 9:8

Mbɛ mɔɛ chɛ nu, an bɛ ɛ miin na fɔn dɔndɔɛ ɔ, an basan mɔɛ chɛ n na, miin ni a yen tee si ɔ fen fuinɛ a, a fiondenɛ ɛ, an na fii‑a. An dɔ, “Kou, kamin chɛ an mbe ma nɛ si ɔ fen fuinɛ a, an ya a ka‑a ka. An ma chɛ a?”

DUKU 16:22

“Tima che‑a wan, mbɛ yɔn tɔɛ chɛ fa‑a, mbɛ maeka n ta‑a a a, an‑na a si kai Ebeami baima, banda bu ɔ. Mbɛ chɛ gbakɔ, nyan tɔɛ chɛ wɛɛ fa‑a, mbɛ an‑na a tɔn,

DUKU 16:20

Yɔn tɔ dɔndɔ wɛɛ ni wan nɔ, min tɔ ni Dasayɔsi. A gboo gbɛɛ ma banden fan ni tɛɛ mɛsɛ a. An ni na wan a a, nyan tɔɛ chɛ 'a chenɛ da a.

MATIU 13:4

Ɛ a fasi chɛ an na, mbɛ dɔ bea‑a chia kuu a. Mbɛ dɔ n bɛɛ bea‑a faa gban duu gboo ma, dɔ n yɛ‑a an bea‑a wai duu gboo ma, mbɛ dɔ n sin bea‑a duu gboo chɛndɛ ma. Chin fen kuu miin bea‑a ka chia kuu a, konde n‑na an sogban sogban fan. Miin sin bea‑a ka faa gban duu gboo chɛ ma, an tana, an fɛn‑da wan bui chɛ wandi a, a mu min na, fii sima ni wan nɔ. Chɛɛ tee winɛ ma kun ni an dɔ, an gbaa‑a wan, koe min na mu, an suu nii ma yii ni chɛndɛ duu gboo ɔ. Miin sin bea‑a ka wai duu gboo chɛ ma, an bɛɛ fɛn‑da wan, a basan wai chɛ a dɔndɔ a, chɛɛ wai chɛ n koa‑a wan a ben chin fen chɛ n ma. Chɛ‑a chin fen fɛn chɛ n na kɔnya wan, mbɛ an gbaa‑a. Miin bea‑a ka duu gboo chɛndɛ chɛ ma, a danka a, an fii‑a wan wɔsɔkɔɔ. Dɔ n gbaa ni wan an kansanɛ ma chɛmɛ dɔndɔ, dɔ bi wɔdɔ, dɔ bi sawa.”

DUKU 19:1

Mbɛ Chisɔsi don‑da Chɛiko duu ɔ, ɛ ben‑da, ɛ ta‑a Chuusaɛn duu ɔ.