MAKI 10:19 - Yataa 'a Dɔbɛnɛ Nama

¹⁹ I‑a sawa n sɔn fan, Yataa‑a miin be Mosisi ma. A ɔ, wo ma mɔ fa, ni sawa ma min fɔ ni. A ɔ, wo ma waa ma basan mɔɛ a, wo ee fuu ɔ min na, a ɔ, wo ma kanka chɛ, a ɔ, wo ma fania fɔ mɔ ɔ mɔ ma. A yɛ to, a ɔ, wo ma mɔ kafa, a sin, wo ni kooya be wo fa ma, a basan wo de a.”

MAKI 10:19 ပူးပေါင်းရင်းမြစ်များ

MAKI 10:18

Mbɛ Chisɔsi ɔ a ma, “E ma ka ma i ni n chee mɔ chɛndɛ a? Mɔ ɔ mɔ ma mɔ chɛndɛ a, mɔɔ dechee Yataa dɔndɔ gbe.

DUKU 18:20

I‑a sawa n sɔn fan, Yataa‑a miin be Mosisi ma. A ɔ, wo ma waa ma basan mɔɛ a, wo ee fuu ɔ min na, a ɔ, wo ma mɔ fa, ni sawa ma min fɔ ni, a ɔ, wo ma kanka chɛ, a ɔ, wo ma fania fɔ mɔ ɔ mɔ ma, a ɔ, wo ni kooya be wo fa ma, a basan wo de a.”

GBOO DOMI KO A 13:9

Yataa‑a sawa miin be Mosisi ma, an dɔ, wo ma waa ma basan mɔɛ a, wo ee fuu ɔ min na. A yɛ to, wo ma mɔ fa, ni sawa ma min fɔ ni. A sin, wo ma kanka chɛ, wo sin ma kawa mɔ dɔ mende n boo fenɛ n ma, an ma koe a wo ta n na. Sawa chɛ n gbɛɛ, an basan dɔ mende n na, an kuiɛ bɛnden mu sawa kun dɔndɔɛ chɛ an ma, mbɛ wo ni to wo 'a mɔɛ n na, yɔ wo toen mu buɛ min dɔ wo wandi n na.

GBOO DOMI KO A 3:20

Koe min na mu, ni mɔɛ toen mu Yataa ni a ya mɔ tandenɛ a, sawa a tachɛ koe a gbee a, an mbe ee a ma chɛ ni ma. Chɛɛ sawa chɛ ɛ koe min ma, ɛ a ma wan mɔɛ n ni a ɔ sɔn, mbɛ ko yama ma mɔɛ mu mmɔ a.

Gboo Kadesia Ko A 4:21

Wo wɛn toen mu, wo ni ma sawa chɛ kɔɔ, ka wɛ n mbe wo ɔ tisa. Wo‑a a ɔ sɔn fan, sawa chɛ‑a min fɔ?

Gboo Kadesia Ko A 5:14

Koe min na mu, Yataa‑a sawa miin gbɛɛ be Mosisi ma, a kun tɛen mu bai dɔndɔ gbe an na. A ɔ, “Wo to wo 'a mɔɛ n na, yɔ wo toen mu buɛ min dɔ wo wandi a.”

Gboo Saa Tɛsadonika Ko A 4:6

Mbɛ an chia chɛ a, mɔ ɔ mɔ ma ko yama ma a bɔ Chisianɛ a, a ma gbasaya din a ma. Nn‑na chɛ fɔ wan wo ye a kɔma a gbau gbau, mbɛ Mansa Yataa ɛ mɔɛ n tɔɔ‑a wan, miin mbe ko bonda chɛ sima ma‑a.

CHIMISI 2:11

Koe min na mu, Yataa dɔndɔ gbe chɛ, an‑na a fɔ, a ɔ, mɔ ee waa ma basan mɔɛ a, wo ee fuu ɔ min na. An yɛ‑a to, a‑a a fɔ, a ɔ, mɔ ee mɔ fa, sawa ma min fɔ ni. Chɛ an fɛ mu, mɔɛ min mbe mɔɛ fa, a mɔɛ ban‑da sawa gbɛɛ yɔn‑da, an ni a fɔ a ma waa ma basan bɛɛ mɔɛ a, an mbe ee fuu ɔ min na.