MAKI 10:18 - Yataa 'a Dɔbɛnɛ Nama

¹⁸ Mbɛ Chisɔsi ɔ a ma, “E ma ka ma i ni n chee mɔ chɛndɛ a? Mɔ ɔ mɔ ma mɔ chɛndɛ a, mɔɔ dechee Yataa dɔndɔ gbe.

MAKI 10:18 ပူးပေါင်းရင်းမြစ်များ

MATIU 19:17

Mbɛ Chisɔsi ɔ, “Fen mu i toen mu n fan ni a ɔ yian i a, ni koe min nyin a ma koe a? Yataa dɔndɔ gbe an mu mɔ chɛndɛ a. Ni i toen mu i ni kuɔ fɔ fɔɛ ma sɔn, mbɛ don a 'a sawa n kɔɔ.”

MAKI 10:17

Chisɔsi‑a a kuu sɔ kɛn ta‑a, a bɔ an kaina chɛ, kamin dɔndɔ na‑a bui chɛ‑a, mbɛ a bea‑a a chen kɔɔ. Mbɛ a ɔ, “Ticha, i wɛn mu mɔ chɛndɛ a, n mbe fen ma, n ni kuɔ fɔ fɔɛ ma sɔn?”

MAKI 10:19

I‑a sawa n sɔn fan, Yataa‑a miin be Mosisi ma. A ɔ, wo ma mɔ fa, ni sawa ma min fɔ ni. A ɔ, wo ma waa ma basan mɔɛ a, wo ee fuu ɔ min na, a ɔ, wo ma kanka chɛ, a ɔ, wo ma fania fɔ mɔ ɔ mɔ ma. A yɛ to, a ɔ, wo ma mɔ kafa, a sin, wo ni kooya be wo fa ma, a basan wo de a.”

DUKU 18:19

Mbɛ Chisɔsi ɔ, “E ma ka ma, i ni n chee mɔ chɛndɛ a? Mɔ ɔ mɔ ma mɔ chɛndɛ a, mɔɔ dechee Yataa dɔndɔ gbe.

GBOO DOMI KO A 3:12

Mɔ gbu n gbɛɛ, an‑na an kan kɔ sɔ Yataa a, an gbɛɛ sɔ‑a chia yama ma, an dɔndɔ wɛɛ ee nɔ, min mbe koe ma tena, min nyin.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

1 CHƆN 4:16

Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 4:8

Mɔ ɔ mɔ min ma to ni a bɔɛ a, a ma Yataa sɔn. Koe min na mu, Yataa mu koadia Yataa an na.