A sin, n ni a ma din wo tena, mbɛ ni mɔ ɔ mɔ‑a a boo ka a 'a musu a, ko dɔ mende ko a, min ma waa ma basan koe a kai dɔ mende a, mbɛ a‑a musu dɔ gbɛɛ si, a‑a waa ma basan musu a, a ee fuu ɔ min na, Yataa ya a.”
“A yɛ to, ni mɔ kaima kan kɔ kan ban‑da a 'a musu ɔ, mbɛ a‑a musu dɔ gbɛɛ si, mɔɛ chɛ‑a waa an ma basan ka musu a, a ee fuu ɔ min na, Yataa ya a. Mɔ kaima min sin mbe musu si‑a min chɛɛ ban‑da a ɔ, a mɔ kaima chɛ wɛɛ‑a waa an ma basan ka musu a, a ee fuu ɔ min na, Yataa ya a.”
Chɛ an fɛ mu, a chɛɛ ɛ wɛ fɔɛ ɔ tima min na, a ee kai dɔ gbɛɛ sɔn. Ni a‑a chɛ ma, mɔɛ n mbe a chee ko tɛ musu an na. Chɛɛ sawa‑a min fɔ, ni a chɛɛ fa‑a, a ee to musu si sawa chɛ kɔɔ. Ni an musu chɛ‑a kai dɔ gbɛɛ sɔn, mɔɛ n mbe ee a chee ko tɛ musu a.
Gbasaya kan kɔ kan mbe ee musu boo ɔ, a gboo kun ma. Gbasaya chɛ ɛ a chɛɛ an boo ɔ. Mɔ kaima wɛɛ ɛ ka wan. Gbasaya ɛ a 'a musu an boo ɔ, a gboo kun ma.
Basɔmaya wa ni be fuu ma, wo gbɛɛ tɛ ɔ. A sin, wo ma waa ma basan mɔ dɔ mende n na, wo ee miin na fuu ɔ. Koe min na mu, mɔɛ min mbe koe tɛ, ɛ waa ma basan mɔ dɔ mende n na, Yataa ɛ a mɔɛ chɛ gbɛmbo‑a wan.