MAKI 10:1 - Yataa 'a Dɔbɛnɛ Nama

¹ Chisɔsi ka‑a kɛn Kapanaun duu ɔ, a ta‑a wan Chudia chɛnyɛ ɔ, a ta Chɔdan yii gbaa chia a. Mbɛ fanka a kan‑da to a ma. A sin, yɔ a ni a ma buɛ min dɔ, a na‑a an kan fan.

MAKI 10:1 ပူးပေါင်းရင်းမြစ်များ

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MAKI 1:21

Mbɛ Chisɔsi na‑a Kapanaun duu ɔ, an bɛ a fɛ denɛ n na. A sin, Chu n 'na suin tee che‑a kɛn, Chisɔsi ta‑a wan an 'na samun chɛ chenɛ a. Mbɛ a bun‑da mɔɛ n kan‑da nɔ, Yataa koe ma.

MAKI 10:2

A sin, Chu mɔɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a.”

MAKI 12:35

Chisɔsi to‑a kan chɛ an na Yataa 'a kata ɔ, mbɛ a‑a an dɔ tisa, a ɔ, “Mmɔ 'a sawa kan mɔɛ nu, an mbe kun ka ma an ni a fɔ, an dɔ, mbɛ kunka mansa ɛ bɔ‑a Mansa Defidi 'a dambi an dɔ? Fen mu chɛ ɛ ma?

MAKI 14:49

Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ chɛ‑a, wo ma n bia ni. Chɛɛ Yataa 'a gboo‑a min fɔ, a ni bɔ a a.”

MAKI 2:13

Mbɛ Chisɔsi bɔ‑a duu chɛ ɔ, mbɛ a yɛ‑a to Kadidi yii wa fɛ. Mɔ fanka na‑a wan a tena, mbɛ a‑a a kuu sɔ an kan‑da Yataa wakoe ma.

MAKI 4:2

A‑a an kan fan ko sɛsɛ ma, tai n dɔ. A‑a a fɔ wan an ye, a ɔ,

MAKI 6:2

Chu n 'na suin tee ma, Chisɔsi‑a mɔɛ n kan fan an 'na samun chɛ chenɛ a. Mɔɛ n ni kɔkoo wan nɔ, a ni kanɛ chɛ tena tima min na. An sin, kɛn an ban‑da a da a kuiɛ a min‑da, a 'a kan chɛ buɛ‑a an da a fa wan. An dɔ, “A e na ka mende kan chɛ buɛ bonda chɛ a? Yiimatɛ chɛ sima, min been mu ka a ma, kɔndɔfii mu. Mɔ ma a ɔ sɔn, ɛ kamaya ko wa chɛ n ma buɛ min dɔ.”

MAKI 6:34

Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.

MAKI 6:6

A ɔ sɔn koe Chisɔsi boo ɔ, mbɛ a 'a mɔɛ n ma dan ni a a podon, tɛnɛ ko wa ni. Mbɛ Chisɔsi ta‑a duu n dɔ, nɔ a a tindanɛ. A ta‑a mɔɛ n kan koe a, a si Yataa ma.

CHƆN 10:40

Mbɛ a yɛ‑a a gbaa chia a, a‑a Chɔdan yii chɛ tɛ to. A yɛ‑a kaina chɛ, Chɔn na‑a a kuu sɔ ka yii chɛ‑a kaina min mɔɛ n kunɛ ɔ, Yataa chia a.

CHƆN 11:7

Mbɛ chɛ gbakɔ, a‑a a fɔ gbɛ a fɛ denɛ n ye, a ɔ, “Mmɔ ɛ yɛ tena gbɛ Chudia chɛnyɛ ɔ wan.”

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.