MAKI 1:5 - Yataa 'a Dɔbɛnɛ Nama

⁵ A sin, mɔɛ n gbɛɛ ni ka wan Chuusaɛn duu ɔ, an mbe ka duu tɔɛ n dɔ, Chudia chɛnyɛ ɔ. An ni na wan, mbɛ an‑na Chɔn tan. An ni dɔn fan ko yama n ma, an na‑a miin ma. Chɔn ni yii chɛ wan an kunɛ ɔ, Yataa chia a, Chɔdan yii ɔ.

MAKI 1:5 ပူးပေါင်းရင်းမြစ်များ

MATIU 4:25

Fanka fanka bea‑a wan a fɛ, a ka Kadidi chɛnyɛ ɔ, a ka Duu Tan dɔ chɛnyɛ ɔ, a ka Chuusaɛn duu ɔ, a basan Chudia chɛnyɛ tɔɛ gbɛɛ a. Mbɛ dɔ n ka‑a tanda chɛ ɔ, Chɔdan yii gbaa chia.

MAKI 1:4

Chɛ ko a, mɔɛ na‑a wan fuinɛ ma, min tɔ ni Chɔn. A bun‑da yii chɛ‑a mɔɛ n kunɛ ɔ, Yataa chia a. A ni yɛ wan to, a ɛ Yataa bai ɔ yian mɔɛ n na. A ɔ, an ni an kan kɔ sɔ an 'na ko yama n na, a ɔ, mbɛ a‑a yii chɛ an kunɛ ɔ, Yataa ni a boo bɔ an 'na ko yama n dɔ.

MAKI 1:6

Chɔn ma chii ni koa min na, a nyanden ni soe ti an na. A bu tɛ chiienɛ ni soe gboo an na. A 'a daun fenɛ sin ni kondonɛ an na, a basan kumin tuu a.

CHƆN 1:28

Chɛ gbɛɛ na‑a chɛ‑a a ɔ Bɛtani duu ɔ wan, Chɔdan yii kaka dɔndɔɛ ma, tee bɔ chia a. Chɔn ni nɔ wan, ɛ yii chɛ‑a mɔɛ n kunɛ ɔ, Yataa chia a.

CHƆN 3:23

A tima dɔndɔ gbe chɛ kɔɔ, Chɔn bɛɛ, a ni Ainon duu ɔ wan. Ainon chɛ, yii ni nɔ kaka, chɛ an fɛ ni, Chɔn na‑a nɔ, ɛ yii chɛ‑a mɔɛ n kunɛ ɔ, Yataa chia a, miin ni na an mbe a tan. A sin, Ainon chɛ tɛ ɔ nii ma yansan Sadin duu ɔ a.

CHƆN 5:35

Chɔn na‑a bai min sa, min ni yɔ manɛ wo tena, a na‑a a ma wan, wo bu ɔ dia‑a. Tima dɔ ko a, wo ma bɛnden fan ni a 'a bai a min koe a, min ni yɔ manɛ, a sin na‑a wo bu ɔ dia wan.

CHISƆSI 'A SƆ MƆƐ NU 19:18

Mɔ sɛsɛ nu, miin bɛɛ na‑a an kai fa Chisɔsi a, an na‑a wan fanka ɔ, mbɛ an dɔn‑da an chɛ chɛ wai yama n ma, an sin‑na an dɔ yian fan.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.