MAKI 1:27 - Yataa 'a Dɔbɛnɛ Nama

²⁷ Mɔɛ miin gbɛɛ ni nɔ, an da ɔ gbaa‑a wan. An bun‑da a fɔ‑a, an nyɔn ye, an dɔ, “Fen koe e nɛ? Kan chɛ buɛ nama an nɛ. Ɛ a fɔ wan nyina yama n bɛɛ ye, an mbe koe min ma. An sin, a 'a gbasaya chɛ, an mbe a ya wan.”

MAKI 1:27 ပူးပေါင်းရင်းမြစ်များ

MATIU 15:31

Mɔɛ chɛ n gbɛɛ tɛnɛ‑a wan a a, kɛn Chisɔsi‑a chɛ ma. An‑na a ɔ yen mumunɛ n koɔ‑a, namaa n tachɛ‑a, mbɛ ya te tɔɛ n‑na kaina yen. An‑na a ɔ yen fan to, miin bɛɛ boo n faen ni an ma, an baun‑da, a basan chɛ n na, miin chenɛ n faen ni an ma. Chɛ ko a, an‑na tando be wan Yataa ma, Chu mɔɛ n ni Yataa min fai.

MATIU 8:9

A mu min na, n fandi gbu wɛɛ, n mbe mɔɛ n fan 'na gbasaya kɔɔ, n bɛɛ soya n mbe wan n kɔɔ. N mbe a fɔ wan dɔndɔ ye, n dɔ, ‘Ta,’ mbɛ a ta‑a. N mbe a fɔ wan dɔndɔ wɛɛ ma, n dɔ, ‘Na,’ mbɛ a na‑a. Mbɛ n‑na a fɔ n 'na bɔi denɛ ma, n dɔ, ‘Chɛ ma,’ mbɛ a‑a a ma.”

MATIU 9:33

Chisɔsi‑a nyina yama chɛ gbain kɛn dechee kamin chɛ fɛ, mbɛ a ya kɔɔɛ a, a bun‑da koɔ‑a. Mɔɛ chɛ n gbɛɛ, miin ni nɔ, an da ɔ gbaa‑a wan. Mbɛ an dɔ, “Kɛn gba, nn ma ko bonda chɛ sima ɔ yen nin bɛ Isɔɛɛ mɔɛ n 'na chɛnyɛ gbɛɛ ɔ.”

MAKI 1:26

Nyina yama chɛ‑a kamin chɛ bondan fan gbasaya a, a‑a yee wa tɛ, mbɛ a ka‑a a fɛ.

MAKI 1:28

Mbɛ a ya kɔɔɛ a, Chisɔsi ma tɔɛ ta‑a wan kan kɔ kan Kadidi chɛnyɛ ɔ.

MAKI 10:24

Chisɔsi fɛ denɛ n da ɔ gbaa‑a wan, a si a da a bai chɛ ma. Chɛɛ Chisɔsi ɔ an ma, “N 'na denɛ nu, don koe a Yataa 'a mansaya kɔɔ, a ɔ gbɛ ka.

MAKI 10:32

Mbɛ an‑na chia bia, a sɛ Chuusaɛn duu ɔ. Chisɔsi an ni sɔ ɔ an ya ɔ. A sin, an da ɔ gbaaen fan ni. Mɔɛ chɛ n bɛɛ, miin ni a fɛ, chiandia ni wan an dɔ. Mbɛ a‑a a fɛ den tan kun ma fea chɛ n ya, a ta‑a an na kaina, an dechee, mbɛ a bun‑da a ɔ yian‑da an na, a si koe n ma, miin ni na tena a tan‑da Chuusaɛn duu ɔ.

MAKI 16:5

Mbɛ an don‑da kɛn kamba gbu bu ɔ, an‑na kamin tɔngbɔɛ yen nɔ. Kamin chɛ ni si ɔ an boo nyima ɔ wan. A sin, doma kai min ni a ma, a gbɛen fan ni. Chɛ‑a an kɔndɔ fii wan.

MAKI 16:6

Mbɛ a ɔ, “Wo kɔndɔ ma fii. N‑na a ɔ sɔn fan, mbɛ wo e Chisɔsi an yan tena, min ka‑a Nasaɛti duu ɔ, an‑na min gbangban kɔn gbengbandenɛ ma. A ee nɛ. Wo a yen, a ni sa ɔ kaina. Yataa‑a a kɔɔ sɔ, a ka saya ɔ.

MAKI 7:37

A sin, mɔɛ miin gbɛɛ na‑a a min, an da ɔ gbaa‑a wan gbechee. An dɔ, “Gba! A kosan a 'a wai chɛ‑a. Ɛ a ma wan too gbee tɔɛ wɛɛ ni koe a min, mumunɛ ni koɔ.”

DUKU 4:36

Mɔɛ chɛ n gbɛɛ da a fa‑a wan a a, mbɛ an dɔ, “Kan chɛ buɛ nyɔn sima minan mbe nɛ? Ɛ gbasaya din fan nyina yama n bɛɛ ma, an ni ka mɔɛ fɛ. An sin mbe a da a kuiɛ a min fan, mbɛ an ka‑a an fɛ.”

DUKU 9:1

Mbɛ Chisɔsi‑a a 'a sɔ mɔ tan kun ma fea n chee a tena. Mbɛ a‑a gbasaya be an ma nyina yama n gbain koe a mɔɛ n fɛ, a basan mɔɛ n baun koe a an 'na gbandi n dɔ.

CHISƆSI 'A SƆ MƆƐ NU 17:19

Mbɛ an‑na Pɔɔ ɔ tisa, an dɔ, a ni na duu gbakoo chɛ n tena, miin ni bɛn kɔnkɔɛ chɛ bu kɔɔ, an ni min chee, an dɔ, Ayiopakɔsi kɔnkɔɛ. Mbɛ an dɔ te, “Nn toen mu nn ni a ɔ sɔn, ni i 'a kan nama chɛ sien mu fenɛ min ma.