MAKI 1:24 - Yataa 'a Dɔbɛnɛ Nama

²⁴ a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 1:24 ပူးပေါင်းရင်းမြစ်များ

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 1:23

Yatina, kaminɛ ni wan nɔ, an 'na samun chɛ chen chɛ a, nyina yama ni min fɛ. Mbɛ a ya kɔɔɛ a, a‑a yee tɛ,

MAKI 1:25

Chisɔsi‑a a fɔ wan nyina yama chɛ ma, a ɔ, “I da a tɔn, i ni ka kamin chɛ fɛ!”

MAKI 10:47

A‑a a a min kɛn, mbɛ Chisɔsi, min ka‑a Nasaɛti duu ɔ, an mbe ka ben tena, a‑a yee tɛ gbankon, a ɔ, “Chisɔsi, i wɛn bɔ‑a Mansa Defidi 'a dambi ɔ, chinchin n ma!”

MAKI 14:67

A‑a Pita yen kɛn, ɛ a gbaa tena chɛ, a‑a a ma fɛn, mbɛ a ɔ, “I wɛɛ, i ni wan Chisɔsi fɛ, Nasaɛti mɔɛ chɛ.”

MAKI 16:6

Mbɛ a ɔ, “Wo kɔndɔ ma fii. N‑na a ɔ sɔn fan, mbɛ wo e Chisɔsi an yan tena, min ka‑a Nasaɛti duu ɔ, an‑na min gbangban kɔn gbengbandenɛ ma. A ee nɛ. Wo a yen, a ni sa ɔ kaina. Yataa‑a a kɔɔ sɔ, a ka saya ɔ.

MAKI 5:7

Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 24:19

Mbɛ Chisɔsi ɔ, “Wuo, fen ko chɛ‑a a ɔ?” Mbɛ an dɔ, “An‑na koe miin sɛ Chisɔsi ma, min ka‑a Nasaɛti duu ɔ. Kamin chɛ, Yataa 'a gbonka chɛ mɔɛ ni a a. A na‑a kamaya ko wa miin ma, a basan bai n na, a ni miin fɔ, an na‑a a ɔ yian fan, mbɛ Yataa ni wan a kɔ. Mɔɛ n gbɛɛ danden fan ni a a, mbɛ Yataa 'a gbasaya ni wan a ɔ.

DUKU 4:34

“Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

DUKU 8:28

Tima sɛsɛ ko a, nyina yama chɛ n ni a ma wan, kamin chɛ ni bui, a ni ta kaina mɔ ɔ mɔ ee kaina min. Mɔɛ n ni a chenɛ ɔ chii wɛɛ yɔɔɛ a, a basan a boo a, a ni yɔɔɛ chɛ ɔ tɛ tɛ wan, mbɛ nyina yama chɛ n‑na a ma, a ben‑da bui‑a. A‑a Chisɔsi yen kɛn dechee, a‑a yee tɛ wan gbankon, mbɛ a bea‑a a chen na. Mbɛ a‑a a fɔ a kuiɛ ma sɛenɛ a, a ɔ, “Chisɔsi, Yataa Wa 'a denɛ, i toen mu i ni fen ma n na? I dimu, i ma n mɔnɛ.” A‑a chɛ fɔ, a mu min na, Chisɔsi‑a a fɔ wan nyina yama chɛ n ye, a ɔ, an ni ka a fɛ.

DUKU 8:37

Mbɛ mɔɛ chɛ n gbɛɛ miin ka‑a ka Kɛyasa chɛnyɛ ɔ, an‑na Chisɔsi disa, an dɔ, a ni bɔ an 'na tanda ɔ. Koe min na mu, an chian‑da wan kaka. Mbɛ Chisɔsi sɛ‑a dɛndɛ ɔ yɛ koe a.

CHƆN 6:69

A sin yen ko gbɛ, nn‑na a ɔ sɔn, a sin, nn dan‑da a a, mbɛ i wan mu mɔɛ a tenchen Yataa 'a wai chɛ koe a, a‑a min sɔ.”

CHISƆSI 'A SƆ MƆƐ NU 2:27

Koe min na mu, i wan Yataa ee n to‑a saya a boo ma. E ee dɔn‑da i 'a wai chɛ mɔɛ chɛ, n fɛn‑na n fandi be i ma, n su ni tui kamba ɔ.

CHISƆSI 'A SƆ MƆƐ NU 24:5

Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

1 CHƆN 2:20

Chɛɛ wo tana, Chisɔsi‑a a ma, Yataa Nyina ɛ wo fɛ, min‑na a ma, wo gbɛɛ‑a tea sɔn.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”