MAKI 1:23 - Yataa 'a Dɔbɛnɛ Nama

²³ Yatina, kaminɛ ni wan nɔ, an 'na samun chɛ chen chɛ a, nyina yama ni min fɛ. Mbɛ a ya kɔɔɛ a, a‑a yee tɛ,

MAKI 1:23 ပူးပေါင်းရင်းမြစ်များ

MATIU 12:43

Chisɔsi ɔ, “Wo e wan dechee yɔ nyina yama ɛ mɔɛ min fɛ. Ni nyina yama chɛ ka‑a a fɛ, nyina chɛ ɛ ta wan ben ben‑da kaina ɔ gbaa gbaaenɛ ɔ, ɛ a ya a kan‑da kaina ɔ chimaenɛ a, a suin koe a. Chɛɛ a ee kaina ma sɔn.

MAKI 1:22

A‑a miin kan ka, an da ɔ gbaa‑a wan, a 'a kan chɛ buɛ a. A ta kanɛ, gbasaya wa, an ni a ɔ, a ben mɔɛ chɛ n ma, miin ni Chu n 'na sawa kan.

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 1:29

Mbɛ Chisɔsi bɔ‑a Chu n 'na samun chɛ chen chɛ a, an bɛ Chimisi a, ni Chɔn, a basan a fɛ denɛ tɔɛ n na. Mbɛ an ta‑a dɔndɔ gbe, Saimɔn n 'na chenɛ a, an fea a dɔɛ Anduu a.

MAKI 1:34

Chisɔsi‑a mɔɛ n baun fan gbandi sɛsɛ n dɔ. A‑a nyina yama n gbain fan, mɔ sɛsɛ n fɛ. A sin, a ee dɔn, nyina yama chɛ n ni koɔ, koe min na mu, an‑na a ɔ sɔn fan, mɔɛ min sima mu a a.

MAKI 1:39

Mbɛ an ben ben‑da Kadidi chɛnyɛ gbɛɛ ɔ, ɛ ta‑a Yataa 'a bai sa‑a Chu n 'na samun chɛ chenɛ n na, a basan nyina yama n gbainɛ a, mɔɛ n fɛ.

MAKI 5:2

An che‑a kɛn nɔ, mbɛ Chisɔsi bɔ‑a dɛndɛ ɔ. Ɛ bɔ‑a dechee a ɔ, mɔ kaima dɔndɔ na‑a a tan, min na‑a ka bɛnkuɛ ɔ. Nyina yama, an ni an kamin chɛ fɛ.

MAKI 7:25

Mbɛ musu dɔndɔ, nyina yama ni min 'na den musuenɛ fɛ, a‑a Chisɔsi ma tɔɛ a min. Mbɛ a ya kɔɔɛ a, a na‑a a tena, mbɛ a bea‑a a chen kɔɔ.

MAKI 9:25

Chisɔsi‑a a ɔ yen kɛn mɔ fanka da ɛ koa‑a tun, mbɛ a‑a a fɔ wan nyina yama chɛ ma, a ɔ, “I wan nyina chɛ, i wɛn mbe mɔɛ too gbee, e mɔɛ ma to mumunɛ a, ka den chɛ fɛ fion. A sin, i ma bea to a fɛ kuɔ fɔ.”