MAKI 1:20 - Yataa 'a Dɔbɛnɛ Nama

²⁰ Chisɔsi‑a an yen kɛn dechee, mbɛ a‑a an bɛɛ chee. Mbɛ a ya kɔɔɛ a, an fa Sɛbɛdi, a basan a 'a wai chɛ mɔɛ n na, a 'a den chɛ n‑na an to an dɛndɛ ɔ, mbɛ an bea‑a Chisɔsi fɛ, an ta‑a.

MAKI 1:20 ပူးပေါင်းရင်းမြစ်များ

MATIU 10:37

“Mɔ ɔ mɔ kan kɔ kan, i wɛn toen mu i ni bea n fɛ, i yii ka i fa a, i ni i yii ka i de a, mbɛ i bea‑a n fɛ. A yɛ to, mɔɔ ni i‑a i yii ka i 'a den kaienɛ a, ni i 'a den musuenɛ, mbɛ i bea‑a n fɛ.

MAKI 1:19

A sɛ‑a ɛnden fan na, yii chɛ a sanɛ, mbɛ a‑a kai Sɛbɛdi 'a den kaima fea n tan. Chimisi ni ma, an fea a dɔɛ Chɔn na, an mbe dɛndɛ ɔ, an 'na nyɛ gbain yaa, an mbe an dɔ bɛn‑da.

MAKI 1:21

Mbɛ Chisɔsi na‑a Kapanaun duu ɔ, an bɛ a fɛ denɛ n na. A sin, Chu n 'na suin tee che‑a kɛn, Chisɔsi ta‑a wan an 'na samun chɛ chenɛ a. Mbɛ a bun‑da mɔɛ n kan‑da nɔ, Yataa koe ma.

MAKI 10:29

Mbɛ Chisɔsi ɔ, “Ka n mbe chɛ ma din wo tena. Chenɛ ni ma, ni suun ma nyɔɛ nu, de nu an bɛ fa n na, denɛ nu, a basan sɛnɛ n na, an nyin fan. Chɛɛ mɔɛ min mbe chɛ dɔndɔ wɛɛ to‑a n ko a, a ni a to sakana bai chɛndɛ chɛ ko a,

DUKU 14:26

“Mɔ kan kɔ kan min mbe na‑a n tena, a ee che ma‑a n fɛ denɛ a, mɔɔ ni n bakoe a dia‑a a ye, a ni ben a fa ma, a ni ben a de ma, a ni ben a 'a denɛ ma, a ni ben a suun ma nyɔɛ ma, a ben a 'a musu wɛɛ ma, a basan an mɔɛ chɛ wandi gbu wɛɛ a.

DUKU 5:11

Chɛ fɔenɛ gbakɔ Saimɔn ye, an‑na an 'na dɛndɛ n chii wan tindi ma, mbɛ an‑na fen kɔ fen to, mbɛ an bea‑a Chisɔsi fɛ.

GBOO FEAN BƆƐ KƆYINDI KO A 5:16

Chɛ an fɛ mu, a ka gbɛ sanche ma, mmɔ ee mɔ ɔ mɔ ya to mɔgbuya ta fɛ chia a. Mmɔ na‑a Chasi wɛɛ ya boo ɔ boo mɔgbuya ta fɛ chia a, tima dɔndɔ a, mmɔ ee an yiinachii chɛ chɛ tena to a a.