GBOO IBU MƆƐ N KO A 9:9 - Yataa 'a Dɔbɛnɛ Nama

⁹ Yataa 'a tɛndi chɛ ɔ, ɛ koe tɔmɔsi an yian mmɔ a bi tee chɛ kɔɔ. Mɔɛ n ni na nɔ wan boo fenɛ n na, a basan yasi n na, Yataa fai koe a. Chɛɛ an fen chɛ nu, an nii che a ma‑a an yiima a ni ko fion.

GBOO IBU MƆƐ N KO A 9:9 ပူးပေါင်းရင်းမြစ်များ

GBOO DOMI KO A 5:14

Chɛɛ a ka Adami ta tima ma, a ta Mosisi ta ma, saya 'a gbasaya ɛ wan mɔɛ gbɛɛ kun ma dunya ɔ. Mɔɛ chɛ n bɛɛ kun ma, miin gbu nii ma ko yama chɛ ma ni, Yataa da a kuiɛ yɔn koe a, yɔ Adami na‑a min ma. Chia dɔ n na, Adami chɛ bɔen fan ni mɔɛ chɛ a, mɔɛ n ya ni min ya ɔ na koe a dunya ɔ.

Gboo Kadesia Ko A 3:21

Chɛɛ chɛ ma a ɔ yian ni, mbɛ sawa chɛ ma to ni ko ɔ ko a, a si Yataa 'a tooɔdia ma. Koe min na mu, ni sawa been fan mu, min mbe fɔɛ be, mbɛ sawa an mbe a ma, Yataa ni mɔ ya mɔ tandenɛ a.

GBOO IBU MƆƐ N KO A 10:11

Mɔɛ miin ni mɔɛ n tɛ ɔ Yataa a, an mbe yasi n bɔ wan, tima ɔ tima ko a. Chɛɛ an yasi chɛ nu, an mbe ee an bɔ an 'na ko yama n dɔ.

GBOO IBU MƆƐ N KO A 11:19

Ebeami yiima a koen fan ni, mbɛ ni a‑a Aisaki fa wɛ, Yataa ɛ a ma‑a wan, a ni a kɔɔ sɔ, a ka saya ɔ. A sin, mɔ gbu ni a fɔ, mbɛ Ebeami na‑a Aisaki fɔɛ ma sɔn fan, a bɔ saya ɔ.

GBOO IBU MƆƐ N KO A 5:1

Koe min na mu, tɛ mɔ wa kan kɔ kan, Yataa ɛ a boo sɔ a ma wai chɛ koe a, a bɔɛ mɔ gbu n fan ko a. A ni ma nɔ, an tɛ, an bɛ Yataa a, yasi bɔ koe a an 'na ko yama n ko a.

GBOO IBU MƆƐ N KO A 7:11

Mɔɛ chɛ nu, miin na‑a bɔ Difai 'a dambi ɔ, an sin ni mɔɛ n tɛ Yataa a, a ta nii ka sawa chɛ wakoe ma, min na‑a be Mosisi ma. Ni mɔɛ n tɛ mɔɛ chɛ nu Yataa a, an 'na wai na‑a Yataa faa chima wan, mbɛ tɛ mɔ ko dɔ mende nii ma‑a to nɔ. Tɛ mɔɛ dɔ mende na‑a na wan, yɔ Mɛchisɛdɛki. An sin, a nii ka yɔ Eyɔn.

GBOO IBU MƆƐ N KO A 8:4

Sanche gbɛ, ni a ni dunya chɛ ɔ wan, a nii ma‑a mɔɛ n tɛ Yataa a, ɛnden bɛɛ a. Koe min na mu, mɔɛ n mbe wan nɔ mɔɛ n tɛ Yataa a, miin mbe boo fenɛ n be Yataa ma, sawa ta fɛ chia a.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.