GBOO IBU MƆƐ N KO A 9:14 - Yataa 'a Dɔbɛnɛ Nama

¹⁴ Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

GBOO IBU MƆƐ N KO A 9:14 ပူးပေါင်းရင်းမြစ်များ

MATIU 12:28

N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa Nyina 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 7:11

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, Fa Yataa sin gbɛ, min mbe banda bu ɔ, ɛ fen chɛndɛ be‑a wan wo ma, wo wɛn mbe a ɔ tisa‑a a ko a.

DUKU 1:74

mbɛ ɛ mmɔ bɔ‑a wan mmɔ chɛɛ ma nyɔɛ n boo ɔ, mbɛ a‑a a ma, mmɔ ni wai chɛ a ko a faachima ɔ.

DUKU 12:24

Wo ŋaŋaa n yen bɛ, an mbe ee chin fen chin, n mbe ee baa, an ni a a sɛ bea a. Chɛɛ chɛ gbɛɛ ɔ, Yataa ɛ an da kɔ wan. Wo nan gbu sin benden mu kaka ŋaŋaa n ma.

DUKU 12:28

Yataa an mbe kɔnɛ chɛ n ma chii, kɔnɛ min mu ɛ nɛ bi, mbɛ sinan a tɛ‑a, mbɛ wo‑a a minda. Ni ɛ ka wan, wo ma chii koe a boo ɔ, a mu a ma gbɔsɔɛ an na. Wo 'a danaya ɔ dɔɔ gba.

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHƆN 3:34

Mɔɛ chɛ, Yataa‑a min na na, an mbe a 'a bai sa. Koe min na mu, Yataa‑a a Nyina min na yii, a ni ma a fɛ, a da faen gban.

CHISƆSI 'A SƆ MƆƐ NU 1:2

aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 14:15

“N bɔ nu, wo toen mu wo ni ko bonda chɛ ma, fen ko a? Nn bɛɛ, mɔ gbu mu nn na, yɔ wo e ka buɛ min dɔ. Nn mbe nɛ, sakana bai chɛndɛ chɛ ɔ yian koe a wo a, wo ni wo boo bɔ tataya ko bonda chɛ n dɔ. Wo ni wo ya a mun Yataa ma, min mbe ee fa kuɔ fɔ ko a. A wan‑na banda a dan, an fea duu gboo a, kɔ yii wɛɛ, a basan fen kɔ fen na, miin be an dɔ.

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

GBOO DOMI KO A 1:20

A ka dunya a dan tima ma, mmɔ ee Yataa yen tena, chɛɛ mmɔ ɛ a 'a gbasaya a tinsɔn tena wan. A 'a gbasaya chɛ kuɔ fɔ ko a, a basan a 'a gbasaya a, fenɛ n gbɛɛ a dan koe a dunya ma. Chɛ an fɛ mu, bai ee ma‑a an da a, koe min‑na a ma, an ma Yataa sɔn ni.

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

GBOO DOMI KO A 11:12

Chu mɔɛ n na‑a ko yama min ma, an na‑a a ma, mɔɛ chɛ n‑na bauncha wa ma sɔn, mɔɛ miin nii ma Chu mɔ a. Chɛɛ ni Chu mɔɛ n bɛɛ‑a bauncha chɛ ma sɔn gbɛ, ɛ ma‑a gbɛ ko ma kawaen ba an na, a ka Yataa tena.

GBOO DOMI KO A 11:24

Chɛ an‑na a fɔ, wo wan, wo wɛn ma Chu mɔɛ n na, wo e ka wan yɔ wodifi min mbe nyan a wandi ko a. Wo ka‑a wan a ma, mbɛ wo chii‑a kɔn dɔ gbɛɛ ma min chin‑da. Koe ma chɛ a, min mbe ma tee. Chu mɔɛ n sin tana, an mbe wan yɔ wodifi kɔn chɛ, min chin‑da ka. Ni an kɔn chɛ bonɛ ka‑a a ma, a ɔ ee gbɛa Yataa boo ɔ, an kɔn bon chɛ‑a yɛ koe a, a gba ɔ.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO DOMI KO A 6:22

Chɛɛ sanche chɛ ɔ, wo kun bɔ‑a wo 'a ko yama n dɔ, wo ma‑a gbɛ Yataa 'a yɔnɛ n na. Wo 'a fɔɛ chɛ ɔ gbɛ, wo e gbɛ tenchen Yataa an ko a. Chɛ sin tɔnɔnɛ mu kuɔ fɔ fɔɛ an na wo ko a.

GBOO SAA KƆYINDI KO A 15:45

A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

GBOO FEAN BƆƐ KƆYINDI KO A 6:16

Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

Gboo Kadesia Ko A 2:19

Koe min na mu, Yataa 'a sawa ko a ni dechee, Chasi fa‑a. Chɛ‑a a ma wan, n fa‑a wan, sawa chɛ ta fɛ chia a, min mbe a ma, n ni ma Yataa ta fɔɛ ɔ. An ban‑da gbɛ n fa‑a, kɔn gbengbandenɛ ma, nn fea Chasi a.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Saa Tɛsadonika Ko A 1:9

Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.

1 TIMOTI 1:17

Tando ni ma gbɛ Mansa Wa tɔɛ ma, basɔmaya ni be a ma kuɔ fɔ, mansa min mbe ee fa, mɔ sin mbe ee a yen. Yataa dɔndɔ gbe mu an na. A ni ma ka.

1 TIMOTI 3:15

ni n ma fua ni na‑a, gboo nyɛnden chɛ, ɛ a ɔ yian‑da wan i a, mɔɛ ɛ tachɛ buɛ min dɔ, Yataa 'a mɔɛ n tɛ ɔ. An mu chɔchi an na, Yataa, min mbe ee fa kuɔ fɔ ko a, a waa a, Chisian danaya kuu si tena, ni a kɔɔ sɔ kɔnɛ.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 10:10

Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.

GBOO IBU MƆƐ N KO A 10:12

Chɛɛ Chasi tana, a na‑a a wandi be dɔndɔɛ min chɛ ka, a ma‑a wan yasi a mmɔ 'a ko yama n ko a, tima ɔ tima ko a. A na‑a a sin ma kɛn, a si‑a wan kaina ma bɛndenɛ Yataa boo nyima ɔ.

GBOO IBU MƆƐ N KO A 10:2

Ni a ni kun fan chɛ ma‑a, mɔɛ chɛ n ni sɛmbɛ‑a wan, yasi chɛ n bɔ koe a. A nii ma‑a to an yii ma, ɛnden bɛɛ a, mbɛ an 'na ko yama ma wan.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 11:21

Chekɔpi na‑a a kai fa wan Yataa a, an na‑a a ma, a e na to fa‑a, a na‑a Chosɛfi 'a den kaima fea an dua wan, dɔndɔ dɔndɔɛ a. A duuenɛ a 'a tungbɔɛ kun ma, ɛ ta‑a Yataa fai‑a.

GBOO IBU MƆƐ N KO A 13:12

Chɛ an fɛ mu, Chisɔsi wɛɛ nii ma fa ni duu wa chɛ bu ɔ wan. An bɔ‑a wan a a, mbɛ an‑na a fa. Chɛ ma‑a, a 'a mɔɛ n ni ma tenchen Yataa ko a, a wii chɛ 'a gbasaya ɔ.

GBOO IBU MƆƐ N KO A 3:12

N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.

GBOO IBU MƆƐ N KO A 7:16

Mbɛ a ma‑a tɛ mɔɛ a, sawa ta fɛ chia a ma, min sien mu a bɔ dambi ma. Chɛɛ a bɔ‑a gbasaya chɛ an dɔ, fɔɛ min mbe ee che kasaa‑a, an mbe a ɔ.

GBOO IBU MƆƐ N KO A 7:27

A ta nan gbu sin, a ee ka, yɔ tɛ mɔ wa tɔɛ chɛ nu, miin ma gbɔsɔɛ ni yasi bɔ koe a, tima sɛsɛ ko a. Koe saa ni min na, an ni yasi chɛ n bɔ tee ɔ tee a, an fandi gbu ta ko yama maenɛ n fan ko a. Mbɛ an yɛ‑a, an‑na a bɔ, mɔɛ tɔɛ n ko a. Chɛɛ Chisɔsi tana, a na‑a chɛ ma gba dɔndɔ gbe an ko a, tima min na a na‑a a wandi fɔɛ be.

GBOO IBU MƆƐ N KO A 9:12

Kaina chɛ, min mbe tenchen Yataa ko a, a bɛbɛɛ gbu, a don‑da nɔ dɔndɔ gbe, a sin, a danka‑a an ma. A nii ma ta ni nɔ ba wii a, a boo ɔ, a ma ta ni ninchi tɔngbɔ wɛɛ wii a, mɔɔ dechee a wandi wii. A na‑a che ka wan kuɔ fɔ fɔɛ ma sɔn‑da mmɔ ko a.

GBOO IBU MƆƐ N KO A 9:26

A ni ma‑a chɛ ma‑a, a ni na‑a wan fa‑a, gba sɛsɛ ko a, a ka dunya kuu sɔ tima ma. Chɛɛ sanche gbɛ, dunya e na to ban‑da, Chasi bɔ‑a mɔɛ n tɛ, gba dɔndɔ gbe ko a, a sin, a danka an nɛ. A na‑a a wandi be wan, mɔɛ n bɔ koe a ko yama n dɔ.

GBOO IBU MƆƐ N KO A 9:7

Chɛɛ tɛ mɔ wa sin, mɔ gbu n tɛ Yataa a, a ni don dechee dumu fean bɔɛ chɛ ɔ, gba dɔndɔ gbe sanɛ ma. A tima chɛ a, ɛ don nɔ wii an na a boo ɔ. Mbɛ a‑a a be Yataa ma, a wandi ko a, ni a 'a mɔɛ n ta ko yama ko a, an nii ma miin dɔ sɔn.

GBOO IBU MƆƐ N KO A 9:9

Yataa 'a tɛndi chɛ ɔ, ɛ koe tɔmɔsi an yian mmɔ a bi tee chɛ kɔɔ. Mɔɛ n ni na nɔ wan boo fenɛ n na, a basan yasi n na, Yataa fai koe a. Chɛɛ an fen chɛ nu, an nii che a ma‑a an yiima a ni ko fion.

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.

1 PITA 2:22

A nii ma ko yama kan kɔ kan ma ni. A sin, fania bai nii ma bɔ ni a da ɔ tee dɔndɔ wɛɛ.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 PITA 4:2

A sin, wo ee ma‑a wo faa ma koe n fan ma‑a, aan wo ni fa. Chɛɛ wo ma bɛndenɛ ɛ ma‑a wan, tima ɔ tima ko a, Yataa faa ma koe ma koe a.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 3:5

Chɛɛ wo‑a a ɔ sɔn fan, mbɛ Chisɔsi na‑a, min mbe a ma, a ni tɔɔya ka mmɔ kun ma, mmɔ 'a ko yama n ko a. A sin tana, a ma ko yama kan kɔ kan ma ni.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.