GBOO IBU MƆƐ N KO A 9:12 - Yataa 'a Dɔbɛnɛ Nama

¹² Kaina chɛ, min mbe tenchen Yataa ko a, a bɛbɛɛ gbu, a don‑da nɔ dɔndɔ gbe, a sin, a danka‑a an ma. A nii ma ta ni nɔ ba wii a, a boo ɔ, a ma ta ni ninchi tɔngbɔ wɛɛ wii a, mɔɔ dechee a wandi wii. A na‑a che ka wan kuɔ fɔ fɔɛ ma sɔn‑da mmɔ ko a.

GBOO IBU MƆƐ N KO A 9:12 ပူးပေါင်းရင်းမြစ်များ

MAKI 3:29

Chɛɛ ni mɔ ɔ mɔ‑a Yataa Nyina main, Yataa ee a boo bɔ‑a a mɔ sima chɛ 'a main chɛ ɔ. Chɛɛ a mɔɛ chɛ‑a ko yama ma, kuɔ fɔ ko a.”

DUKU 1:68

a ɔ, “Mmɔ Mansa Yataa tando, mmɔ Isɔɛɛ mɔɛ n 'na Yataa a. A na‑a basan koe a mmɔ ma, mbɛ a‑a mmɔ kun ka.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Kɔdɔsai Ko A 1:14

Mmɔ‑a kunka ma sɔn, mmɔ bɔ‑a mmɔ 'a ko yama n dɔ, koe min na mu, a 'a den chɛ, mɔ dɔndɔɛ mu gbɛ mmɔ a.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 10:19

Chɛ an fɛ mu, n suun ma nyɔɛ nu Chasi ɔ, mmɔ yii sɔen fan mu gbɛ gbae, Chisɔsi wii 'a gbasaya ɔ, don koe a kaina min mbe tenchen Yataa ko a.

GBOO IBU MƆƐ N KO A 10:4

Koe min na mu, a ee che ma‑a, ɛnden bɛɛ a, ninchi wii basan ba wii a, an ni mɔɛ n ko, a bɔ an 'na ko yama n dɔ.

GBOO IBU MƆƐ N KO A 13:12

Chɛ an fɛ mu, Chisɔsi wɛɛ nii ma fa ni duu wa chɛ bu ɔ wan. An bɔ‑a wan a a, mbɛ an‑na a fa. Chɛ ma‑a, a 'a mɔɛ n ni ma tenchen Yataa ko a, a wii chɛ 'a gbasaya ɔ.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

GBOO IBU MƆƐ N KO A 7:27

A ta nan gbu sin, a ee ka, yɔ tɛ mɔ wa tɔɛ chɛ nu, miin ma gbɔsɔɛ ni yasi bɔ koe a, tima sɛsɛ ko a. Koe saa ni min na, an ni yasi chɛ n bɔ tee ɔ tee a, an fandi gbu ta ko yama maenɛ n fan ko a. Mbɛ an yɛ‑a, an‑na a bɔ, mɔɛ tɔɛ n ko a. Chɛɛ Chisɔsi tana, a na‑a chɛ ma gba dɔndɔ gbe an ko a, tima min na a na‑a a wandi fɔɛ be.

GBOO IBU MƆƐ N KO A 9:13

Sawa kɔma chɛ n tima a, ba wii min ni bɔn, a basan ninchi wii a, a ni mɔɛ n ko wan dechee an gboo ma. An soe chɛ n buwa wɛɛ ni ko dɔndɔ gbe chɛ an ma.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

GBOO IBU MƆƐ N KO A 9:19

Koe min na mu, Mosisi ban‑da kɛn Yataa 'a sawa chɛ n gbɛɛ ɔ yian‑da mɔɛ n gbɛɛ a, a na‑a chɛ an ma. A na‑a ninchi tɔngbɔɛ wii ya wan, a basan ba wii a, ni yii wɛɛ. A na‑a sa ti mende mende wan kɔnɛ bonɛ ma, mbɛ a‑a a don an wii chɛ ɔ, a‑a a fasi fasi sawa gboo chɛ ma, a basan mɔɛ n gbɛɛ a.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

GBOO IBU MƆƐ N KO A 9:7

Chɛɛ tɛ mɔ wa sin, mɔ gbu n tɛ Yataa a, a ni don dechee dumu fean bɔɛ chɛ ɔ, gba dɔndɔ gbe sanɛ ma. A tima chɛ a, ɛ don nɔ wii an na a boo ɔ. Mbɛ a‑a a be Yataa ma, a wandi ko a, ni a 'a mɔɛ n ta ko yama ko a, an nii ma miin dɔ sɔn.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.