GBOO IBU MƆƐ N KO A 9:11 - Yataa 'a Dɔbɛnɛ Nama

¹¹ Chɛɛ Chasi ban‑da gbɛ na‑a, ma koe a tɛ mɔ wa a, mɔ gbu n tɛ Yataa a, ko chɛndɛ chɛ n ko a, miin‑na mmɔ tan. A ben‑da ka tɛndi min kɔɔ, mɔ gbu an ma a nyan ni, a sin gbu ma dunya chɛ ɔ fen na.

GBOO IBU MƆƐ N KO A 9:11 ပူးပေါင်းရင်းမြစ်များ

MATIU 11:3

Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”

MATIU 2:6

‘Yataa ɔ, Wo wan Bɛtɛɛn mɔɛ nu, Chuda tanda ɔ, duu pɛɛ ma wo 'a duu a, duu gbau gbau n tɛ ɔ Chuda. An dɔ mu, ya ɔ sɔɛ ɛ bɔ tena, min mbe n 'na Isɔɛɛ mɔɛ n kun ma fɛn‑da.’ ”

MAKI 14:58

“Nn‑na a a min fan, a‑a a fɔ, a ɔ, ɛ kun fan a ni Yataa 'a chen chɛ, mmɔ‑a min sɔ ka mmɔ boo a, a ni a te, mbɛ a‑a a sɔ tee sawa tɛ ɔ, mɔ gbu boo sin fan mbe ee a sɔ‑a.”

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 4:25

Mbɛ musu chɛ ɔ, “N‑na a ɔ sɔn fan, mbɛ Chasi, kunka mansa ɛ na tena wan. A sin mbe na‑a kɛn, ɛ ko ɔ ko ɔ yian‑da wan mmɔ a.”

CHISƆSI 'A SƆ MƆƐ NU 7:48

“Chɛɛ Yataa Wa ee ma chen na, mɔ gbu n mbe min sɔ. Ɛ wan yɔ Yataa 'a gbonka chɛ mɔɛ n 'na gboo‑a a fɔ buɛ min dɔ, a ɔ,

GBOO FEAN BƆƐ KƆYINDI KO A 4:18

Koe min na mu, nn yiima ee koe chɛ n fan ma, mɔ gbu ɛ miin yen a ya a. Chɛɛ ɛ fen chɛ n fan ma, mɔ gbu ee min yen a ya a. Mɔ gbu ɛ fenɛ min yen ka a ya a, ɛ ma dechee tima kundu an ko a. Chɛɛ mɔ gbu ee fenɛ min yen a ya a, ɛ ma wan kuɔ fɔ ko a.

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

Gboo Kɔdɔsai Ko A 2:11

Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.

GBOO IBU MƆƐ N KO A 10:1

Sawa chɛ nu, miin be‑a Mosisi ma, an mbe bai sa tena wan, a si fen chɛndɛ n ma, miin mbe banda bu ɔ. Chɛɛ an sawa chɛ n mbe wan dechee, yɔ banda bu ɔ fen chɛ n nininɛ gbama nu. An mbe ee koe chɛ n dɔ yian, tea chia a, ɛnden bɛɛ a. An mbe yasi dɔndɔ gbe an bɔ, san kɔ san na. Chɛ sin mbe ee a ma, mɔɛ miin mbe bea sawa chɛ n fɛ, an ni ma yɔ Yataa toen mu an ni ma buɛ min dɔ.

GBOO IBU MƆƐ N KO A 12:27

Bai chɛ ɛ a fɔ tena wan, mbɛ fenɛ gbɛɛ miin mbe samba, an mbe ban‑da wan dunya ma. Chɛɛ fen chɛ n sin gbɛɛ, miin mbe ee samba, an fan mbe to‑a an gba n dɔ.

GBOO IBU MƆƐ N KO A 13:14

Chɛ ko a, duu ee ma‑a nɛ mmɔ boo ɔ, dunya chɛ ɔ, min mbe ma‑a kuɔ fɔ ko a. Mmɔ ya ɛ an duu chɛ an ya ɔ, min mbe na tena.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.

GBOO IBU MƆƐ N KO A 7:1

Mɛchisɛdɛki chɛ, mansa ni an na, Saden duu ɔ. A sin to, tɛ mɔɛ ni a a, Yataa Wa tena. Tima dɔndɔ a, Ebeami ni wan ka tena chɛɛ ɔ. An na‑a mansa naaninɛ n 'na chɛɛ chɛ mɔɛ n kun tɛ an chɛɛ an dɔ. Mɛchisɛdɛki na‑a an tan fan. A sin, a wan Mɛchisɛdɛki na‑a Ebeami dua wan.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.