GBOO IBU MƆƐ N KO A 9:1 - Yataa 'a Dɔbɛnɛ Nama

¹ Yataa na‑a dɔbɛnɛ saa min chɛ, an bɛ Isɔɛɛ mɔɛ n na, sawa n ni wan a ma, Yataa fai koe a. A sin, mɔ gbu n na‑a kaina nyan fan, samunɛ chɛ koe a.

GBOO IBU MƆƐ N KO A 9:1 ပူးပေါင်းရင်းမြစ်များ

DUKU 1:6

Sakaaya tanden fan ni Yataa tena, an fea a 'a musu Disabɛti a. A sin an 'na fɔɛ gbɛɛ ɔ, an ni Mansa Yataa 'a sawa n gbɛɛ bia wan.

GBOO DOMI KO A 9:4

An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

GBOO IBU MƆƐ N KO A 8:13

Ni a ma‑a bai sa‑a, a si dɔbɛn nama chɛ ma, ɛ a ma wan yɔ a kɔma tana, a kɔkɔya‑a gbɛ. A sin, fenɛ min kɔkɔya‑a, a bun‑da chenancha‑a, a ma bɛndenɛ an nɛ ka gbɛ, tuin koe a.

GBOO IBU MƆƐ N KO A 8:2

A saa a, mɔɛ chɛ nu miin ni mɔɛ n tɛ Yataa a, an ni wai chɛ tɛndi an kɔɔ. A tɛndi chɛ sin, an ni yasi bɔ kaina min, mɔɛ n 'na ko yama n ko a, mɔ gbu an na‑a a sɔ. Chɛɛ Chisɔsi tana, ɛ wai chɛ Yataa 'a tɛndi an kɔɔ, banda bu ɔ, kaina min mbe tenchen Yataa ko a. An kaina chɛ sin, Mansa Yataa an‑na a sɔ, mɔ gbu ma.

GBOO IBU MƆƐ N KO A 8:7

Koe min na mu, ni mabɔ nii dɔbɛnɛ saa chɛ ma, mbɛ dɔbɛnɛ fean bɔɛ nii ma nɔ.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.