GBOO IBU MƆƐ N KO A 8:8 - Yataa 'a Dɔbɛnɛ Nama

⁸ Chɛɛ Yataa na‑a a 'a mɔɛ n ma nyin fan. An fɛ ni, a‑a a fɔ a 'a gboo ɔ, a ɔ, “Tee ɛ bɔ‑a wan, n fan Yataa, n ni a fɔ, n dɔ, n mbe dɔbɛn nama chɛ‑a wan mɔɛ n na, miin ka‑a Isɔɛɛ chɛnyɛ ɔ, an bɛ chɛ n na, miin ka‑a Chuda chɛnyɛ ɔ.

GBOO IBU MƆƐ N KO A 8:8 ပူးပေါင်းရင်းမြစ်များ

MATIU 26:28

A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

DUKU 17:22

Mbɛ a‑a a fɔ a fɛ denɛ n ye, a ɔ, “Tima ɛ che‑a wan, tima min na mu, n fan, Mɔ Gbu 'a Denɛ, n mbe ee na‑a ma‑a wo tɛ ɔ. A tima chɛ a, wo e na‑a to‑a wan n ni ma wo tɛ ɔ tee dɔndɔ gbe wɛɛ ko a.

DUKU 22:20

An ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ, n mbe min na bɔn tena wo ko a. Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

DUKU 5:38

Mɔ ɛ min ma, e gbɛ nama chɛ soe gboo nama an dɔ.”

GBOO SAA KƆYINDI KO A 11:25

A chia dɔndɔ gbe chɛ a to, an ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ. Yataa ɛ an ya tena, mbɛ a‑a dɔbɛn nama chɛ a 'a mɔɛ n na. Tima ɔ tima ko a, wo ni ma chɛ min‑da, wo yii na chii koe a n na.”

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO IBU MƆƐ N KO A 12:24

Wo na‑a Chisɔsi tena, min ni wo tɛ wo bɛ Yataa a, dɔbɛn nama chɛ chɛ koe a. Wo na‑a a wii tena, min bɔn‑da, wo too ɔ dia koe a fen chɛndɛ a, a ben Ebɛɛ wii ta ma.

GBOO IBU MƆƐ N KO A 7:22

Chɛ ɛ a ɔ yian fan, mbɛ Chisɔsi an mbe a ma, dɔbɛn nama chɛ mmɔ tɛ Yataa a, a ee yɔn. Chɛ an mbe a ɔ yian, mbɛ dɔbɛn nama chɛ nyin a ben a kɔma ma.

GBOO IBU MƆƐ N KO A 8:13

Ni a ma‑a bai sa‑a, a si dɔbɛn nama chɛ ma, ɛ a ma wan yɔ a kɔma tana, a kɔkɔya‑a gbɛ. A sin, fenɛ min kɔkɔya‑a, a bun‑da chenancha‑a, a ma bɛndenɛ an nɛ ka gbɛ, tuin koe a.

GBOO IBU MƆƐ N KO A 8:6

Chɛɛ koe gbu, ɛ buɛ min dɔ, Chisɔsi 'a wai chɛ, a benden mu an 'na wai kɔma n ma. Ɛ wan dechee, yɔ a 'a dɔbɛn nama chɛ, a benden mu buɛ min dɔ a kɔma ma. Koe min na mu, a 'a dɔbɛn chɛ, a chɛen mu tooɔdia min na, a kɔ gbɛ.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.