GBOO IBU MƆƐ N KO A 8:5 - Yataa 'a Dɔbɛnɛ Nama

⁵ An mbe wai min chɛ Yataa 'a tɛndi kɔɔ, a ɛ wan dechee yɔ koe miin mbe ma banda bu ɔ, an nininɛ gbama, an mbe buɛ min dɔ. Koe min na mu, Mosisi ni tima min na Yataa 'a tɛndi chɛ sɔ‑a, Yataa na‑a koɔ wan a tena, a ɔ, “Fen kɔ fen min sien mu tɛndi chɛ ma, a nyan yɔ i‑a a nyandenɛ yen buɛ min dɔ, Saina kɔnkɔɛ kun ma.”

GBOO IBU MƆƐ N KO A 8:5 ပူးပေါင်းရင်းမြစ်များ

MATIU 2:12

Mbɛ Yataa‑a an na si wan cho ɔ, mbɛ an ma bɔ Mansa Ɛdɔdi waa chia a. An‑na chia dɔ mende ya wan, an yɛ‑a.

CHISƆSI 'A SƆ MƆƐ NU 7:44

“Mmɔ bemba n ta bemba nu, tima min na an ni fuinɛ ma, tɛndi an ni an boo ɔ, min ni a ɔ yian, mbɛ Yataa ɛ an tɛ. Yataa‑a tɛndi chɛ nyan buɛ ɔ yian fan Mosisi a. An sin gbu‑a a nyan fan, yɔ Yataa wandi gbu‑a a nyan buɛ ɔ yian buɛ min dɔ.

Gboo Kɔdɔsai Ko A 2:17

Koe min na mu, koe miin mbe na tena ma‑a, an nininɛ gbama gbama n fan nɛ. Koe kuu ba gbu, a sien mu Chasi an ma.

GBOO IBU MƆƐ N KO A 10:1

Sawa chɛ nu, miin be‑a Mosisi ma, an mbe bai sa tena wan, a si fen chɛndɛ n ma, miin mbe banda bu ɔ. Chɛɛ an sawa chɛ n mbe wan dechee, yɔ banda bu ɔ fen chɛ n nininɛ gbama nu. An mbe ee koe chɛ n dɔ yian, tea chia a, ɛnden bɛɛ a. An mbe yasi dɔndɔ gbe an bɔ, san kɔ san na. Chɛ sin mbe ee a ma, mɔɛ miin mbe bea sawa chɛ n fɛ, an ni ma yɔ Yataa toen mu an ni ma buɛ min dɔ.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 13:10

Mɔɛ miin mbe an 'na tɛ mɔ wai chɛ tena Yataa 'a tɛndi ɔ, tea ee an boo ɔ, tɔnɔnɛ ma sɔn koe a yasi ɔ, min bɔ‑a Yataa tena mmɔ ko a.

GBOO IBU MƆƐ N KO A 9:9

Yataa 'a tɛndi chɛ ɔ, ɛ koe tɔmɔsi an yian mmɔ a bi tee chɛ kɔɔ. Mɔɛ n ni na nɔ wan boo fenɛ n na, a basan yasi n na, Yataa fai koe a. Chɛɛ an fen chɛ nu, an nii che a ma‑a an yiima a ni ko fion.

KO Ɔ NUNDENƐ 15:5

Mbɛ an gbɛɛ ban‑da si a bɔ‑a kɛn, n‑na n ya a ta. Mbɛ n‑na a ɔ yen, mbɛ kaina chɛ, ku tɛndi chɛ kɔɔ, Yataa 'a chen chɛ, n‑na a da a kaenɛ yen.