GBOO IBU MƆƐ N KO A 8:10 - Yataa 'a Dɔbɛnɛ Nama

¹⁰ Mbɛ dɔbɛnɛ an nɛ, n mbe min chɛ‑a mɔɛ n na, miin ka‑a Isɔɛɛ chɛnyɛ ɔ. N fan Mansa Yataa, ni tee chɛ n ben‑da, n mbe n 'na sawa n sa‑a wan, an yii ma, n ni a sa an faa ɔ. A sin, n mbe ma‑a wan an 'na Yataa a, mbɛ an bɛɛ, an ma‑a n 'na mɔɛ n na.

GBOO IBU MƆƐ N KO A 8:10 ပူးပေါင်းရင်းမြစ်များ

MATIU 22:32

Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai. Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai.”

GBOO DOMI KO A 11:27

Mbɛ Yataa ɔ te to a 'a gboo ɔ, a ɔ, “Chɛ sin fan mbe ma‑a n 'na dɔbɛnɛ ɔ, an bɛ an na, tima min na n mbe n boo bɔ‑a an 'na ko yama n dɔ.”

GBOO SAA KƆYINDI KO A 6:16

Wo ni a ɔ sɔn, mbɛ mɔɛ min mbe a gboo be‑a ko tɛ musu ma, mbɛ an fea ma‑a mɔ dɔndɔɛ a. A nyɛnden mu den Yataa 'a gboo ɔ, mbɛ an fea ma‑a mɔ dɔndɔɛ a.

GBOO FEAN BƆƐ KƆYINDI KO A 3:3

Wo gbu sin mbe a ɔ yian tena wan, mbɛ nn‑na wai min chɛ, a gbɔɛ mu wo wan na. Mbɛ gboo mu wo a, min ka‑a Chisɔsi Chasi tena. Wo ta gbooya sin dɔ, wo ma nyɛn ni pɛnɛ inki an na. Chɛɛ Yataa Nyina, min mbe fɔɛ be, an‑na wo nyɛn. A yɛ to, wo ma nyɛn ni sen sɛndenɛ an ma, chɛɛ a‑a wo nyɛn mɔɛ n faa ɔ wan.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 11:16

Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.

CHIMISI 1:18

Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

1 PITA 1:23

A mu min na, Yataa‑a a ma wan, wo suun‑da to a nama a. Wo 'a fɔɛ nama chɛ, wo woo mɔɛ nu dunya ma, an fan ma a be ni wo ma. Koe min na mu, an‑na fɔɛ min be wo ma, ɛ danka‑a saya an dɔ. Chɛɛ fɔɛ nama chɛ tana, ɛ ma‑a wan kuɔ fɔ ko a. Koe min na mu, Yataa da a bai chɛ, fɔɛ ɛ min dɔ, ɛ ma‑a wan nɔ kuɔ fɔ ko a.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.