GBOO IBU MƆƐ N KO A 7:3 - Yataa 'a Dɔbɛnɛ Nama

³ A fa ee, a de ee, mɔ sin mbe ee che a fɔ‑a, mbɛ a bɔ kɔnkɔɛ an nɛ. Mɔ ɔ mɔ ma a fɔɛ kuu sɔ tena sɔn, mɔ ma a fɔɛ a ban tena sɔn. Chɛɛ a bɔen mu Yataa 'a denɛ an na, ɛ ma‑a wan tɛ mɔɛ a, kuɔ fɔ ko a.

GBOO IBU MƆƐ N KO A 7:3 ပူးပေါင်းရင်းမြစ်များ

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

GBOO IBU MƆƐ N KO A 4:14

A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.

GBOO IBU MƆƐ N KO A 7:1

Mɛchisɛdɛki chɛ, mansa ni an na, Saden duu ɔ. A sin to, tɛ mɔɛ ni a a, Yataa Wa tena. Tima dɔndɔ a, Ebeami ni wan ka tena chɛɛ ɔ. An na‑a mansa naaninɛ n 'na chɛɛ chɛ mɔɛ n kun tɛ an chɛɛ an dɔ. Mɛchisɛdɛki na‑a an tan fan. A sin, a wan Mɛchisɛdɛki na‑a Ebeami dua wan.

GBOO IBU MƆƐ N KO A 7:17

Koe min na mu, Yataa 'a gboo‑a a fɔ wan, a si a ma, a ɔ, “Kuɔ fɔ ko a, e ma‑a wan mɔɛ n tɛ Yataa a. E ma‑a wan, yɔ Mɛchisɛdɛki ni buɛ min dɔ.”

GBOO IBU MƆƐ N KO A 7:2

A sin, fenɛ gbɛɛ, Ebeami ka‑a miin na an chɛɛ chɛ ɔ, a na‑a an du wan, si tena tanɛ a, mbɛ a‑a si tena dɔndɔ be Mɛchisɛdɛki chɛ ma. An mu mɔɛ saa a, ni mmɔ‑a mmɔ yii na chii a tɔɛ fasai ma, mbɛ an mu mansa a, min tanden mu. An mu kɛn to mansa a, Saden, min fasaien mu, faa chima mansa.

GBOO IBU MƆƐ N KO A 7:6

Chɛɛ Mɛchisɛdɛki chɛ nii ma bɔ nin bɛɛ Difai dambi ɔ, chɛ gbɛɛ ɔ, Ebeami na‑a boo fenɛ si tena dɔndɔɛ be an ma. Mbɛ a dua‑a Ebeami ye, Yataa na‑a too ɔ dia chɛ min na.