GBOO IBU MƆƐ N KO A 7:27 - Yataa 'a Dɔbɛnɛ Nama

²⁷ A ta nan gbu sin, a ee ka, yɔ tɛ mɔ wa tɔɛ chɛ nu, miin ma gbɔsɔɛ ni yasi bɔ koe a, tima sɛsɛ ko a. Koe saa ni min na, an ni yasi chɛ n bɔ tee ɔ tee a, an fandi gbu ta ko yama maenɛ n fan ko a. Mbɛ an yɛ‑a, an‑na a bɔ, mɔɛ tɔɛ n ko a. Chɛɛ Chisɔsi tana, a na‑a chɛ ma gba dɔndɔ gbe an ko a, tima min na a na‑a a wandi fɔɛ be.

GBOO IBU MƆƐ N KO A 7:27 ပူးပေါင်းရင်းမြစ်များ

GBOO DOMI KO A 6:10

A na‑a saya min chɛ ka, mmɔ 'a ko yama ko a, ko yama 'a gbasaya ee to a kun ma kuɔ fɔ ko a. Ɛ ka gbɛ fɔɛ min dɔ, fɔɛ mu Yataa ko a.

Gboo Ɛfisɔsi Ko A 2:22

Wo wandi gbu wɛɛ, mɔ dɔndɔɛ mu wo a, wo bɛ Chasi a. Chɛ ko a, ɛ wo a tun tena wan, wo bɛ Yataa 'a mɔɛ tɔɛ n na, wo ni ma yɔ a 'a chenɛ, ɛ ma kaina min a Nyina 'a gbasaya ɔ.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 5:1

Koe min na mu, tɛ mɔ wa kan kɔ kan, Yataa ɛ a boo sɔ a ma wai chɛ koe a, a bɔɛ mɔ gbu n fan ko a. A ni ma nɔ, an tɛ, an bɛ Yataa a, yasi bɔ koe a an 'na ko yama n ko a.

GBOO IBU MƆƐ N KO A 5:3

Chɛ an fɛ mu, a dindenɛ mu a ma, yasi bɔ koe a Yataa tena. A wandi gbu ta ko yama n ko a, a basan an mɔɛ chɛ n ta n na.

GBOO IBU MƆƐ N KO A 8:4

Sanche gbɛ, ni a ni dunya chɛ ɔ wan, a nii ma‑a mɔɛ n tɛ Yataa a, ɛnden bɛɛ a. Koe min na mu, mɔɛ n mbe wan nɔ mɔɛ n tɛ Yataa a, miin mbe boo fenɛ n be Yataa ma, sawa ta fɛ chia a.

GBOO IBU MƆƐ N KO A 9:12

Kaina chɛ, min mbe tenchen Yataa ko a, a bɛbɛɛ gbu, a don‑da nɔ dɔndɔ gbe, a sin, a danka‑a an ma. A nii ma ta ni nɔ ba wii a, a boo ɔ, a ma ta ni ninchi tɔngbɔ wɛɛ wii a, mɔɔ dechee a wandi wii. A na‑a che ka wan kuɔ fɔ fɔɛ ma sɔn‑da mmɔ ko a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

GBOO IBU MƆƐ N KO A 9:25

Tɛ mɔ wa chɛ tana, mɔ gbu n tɛ Yataa a, a ni don fan san kɔ san na, tɛndi chɛ ɔ, min mbe tenchen Yataa ko a. A sin, wii ni ma wan an boo ɔ, min nii ma an ta a. Chɛɛ Chasi tana, a nii ma a wandi be ni gba fea ko a.

GBOO IBU MƆƐ N KO A 9:26

A ni ma‑a chɛ ma‑a, a ni na‑a wan fa‑a, gba sɛsɛ ko a, a ka dunya kuu sɔ tima ma. Chɛɛ sanche gbɛ, dunya e na to ban‑da, Chasi bɔ‑a mɔɛ n tɛ, gba dɔndɔ gbe ko a, a sin, a danka an nɛ. A na‑a a wandi be wan, mɔɛ n bɔ koe a ko yama n dɔ.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

GBOO IBU MƆƐ N KO A 9:7

Chɛɛ tɛ mɔ wa sin, mɔ gbu n tɛ Yataa a, a ni don dechee dumu fean bɔɛ chɛ ɔ, gba dɔndɔ gbe sanɛ ma. A tima chɛ a, ɛ don nɔ wii an na a boo ɔ. Mbɛ a‑a a be Yataa ma, a wandi ko a, ni a 'a mɔɛ n ta ko yama ko a, an nii ma miin dɔ sɔn.