GBOO IBU MƆƐ N KO A 7:18 - Yataa 'a Dɔbɛnɛ Nama

¹⁸ Chia dɔndɔɛ a, sawa kɔma ee to wai tena. Koe min na mu, an sawa chɛ kɔ ma gbɛ, sawa a tenden gbu nii ma.

GBOO IBU MƆƐ N KO A 7:18 ပူးပေါင်းရင်းမြစ်များ

CHISƆSI 'A SƆ MƆƐ NU 13:39

A sin, a wan ko a mu to, mɔ ɔ mɔ min mbe a kai fa‑a a a, Yataa ɛ a ya‑a wan mɔ tandenɛ a a tena. Ɛ a boo bɔ‑a wan an mɔɛ chɛ a ko yama gbɛɛ ɔ. Ko yama chɛ nu, an mɔɛ chɛ kun mbe ee che bɔ‑a miin dɔ, Mosisi 'a sawa kɔɔ.

GBOO DOMI KO A 3:31

Chɛ ma a ɔ yian ni chia kan kɔ kan na, mbɛ ni mmɔ‑a mmɔ kai fa Chisɔsi a, mmɔ ɛ mmɔ boo bɔ wan gbɛ sawa chɛ kɔɔ. Chɛɛ mmɔ‑a min ma, mmɔ‑a sawa gbu an kɔ gbɛa ka gbɛ chɛndɛ chɛ.

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

Gboo Kadesia Ko A 3:15

N suun ma nyɔɛ nu Chasi ɔ, ka n mbe tɔmɔsi yian, mɔgbuya ɔ. Mɔ fea nu, ni an‑na dɔbɛnɛ chɛ, mbɛ an kuiɛ bɛn‑da a ma, mɔ ɔ mɔ ee a ka a gba ɔ, chɛ ma, mɔ ɔ mɔ ni a kun ma sa. Ni mɔɛ gbɛɛ ban‑da dɔn‑da a ma, ɛ to ka wan.

Gboo Kadesia Ko A 3:17

N toen mu n ni min fɔ, an nɛ. Mbɛ Yataa‑a sawa be wan Mosisi ma. A ban‑da kɛn dɔbɛnɛ chɛ‑a Ebeami a, san chɛmɛ naanin, san bi sawa gbakɔ, mbɛ a‑a sawa chɛ be Mosisi ma. Chɛ an fɛ mu, an sawa chɛ ee che dɔbɛn chɛ yɔn‑da, Yataa ban‑da min chɛ‑a. Chɛ ee che ma‑a, min mbe a ma, Yataa‑a tooɔdia min chɛ Ebeami a, a ni ma fuu gbama a.

Gboo Kadesia Ko A 3:21

Chɛɛ chɛ ma a ɔ yian ni, mbɛ sawa chɛ ma to ni ko ɔ ko a, a si Yataa 'a tooɔdia ma. Koe min na mu, ni sawa been fan mu, min mbe fɔɛ be, mbɛ sawa an mbe a ma, Yataa ni mɔ ya mɔ tandenɛ a.

Gboo Kadesia Ko A 4:21

Wo wɛn toen mu, wo ni ma sawa chɛ kɔɔ, ka wɛ n mbe wo ɔ tisa. Wo‑a a ɔ sɔn fan, sawa chɛ‑a min fɔ?

Gboo Kadesia Ko A 4:9

Chɛɛ sanche chɛ ɔ, wo‑a Yataa sɔn gbɛ. Chɛɛ tea gbu ko a, Yataa an‑na wo sɔn. Tea gbu ko a, a ee che ma‑a wo 'a yiinachii ɔ, wo ni mun to, wo ni bea nyina yama chɛ n fɛ, fanka ee ka miin na, a sin, an mbe ben‑da fen fuinɛ a. Wo e chɛ ma wan? A ee ma to wo 'a yiinachii ɔ ɛnden bɛɛ a, wo ma koe a to, an 'na yɔnɛ n na.

1 TIMOTI 4:8

Ni wai mɛsɛ chɛ ɛ gboo ɔ gbɛa be wan mɔ ma, mbɛ Yataa 'a wai sin nyin fan chia ɔ chia a. A mu min na, mmɔ‑a a 'a tɔnɔnɛ ma sɔn fan bi tee chɛ a, a basan ya ɔ ma a.

GBOO IBU MƆƐ N KO A 13:9

Wo ma dɔn kan sɛsɛ nu, miin kaen mu sakana bai chɛndɛ chɛ ma, an ni wo ka Yataa chia ma. A nyin mmɔ ni faa sɔɛ ma sɔn, koadia demanɛ ɔ, Yataa ɛ min chɛ. Chɛ benden mu bea koe ma sawa n fɛ, miin sien mu daun fenɛ n ma. Mɔɛ miin mbe bea sawa chɛ n fɛ, an nii ma an deman ni.

GBOO IBU MƆƐ N KO A 7:19

Koe min na mu, chia dɔndɔɛ wɛɛ a, sawa gbu nii ma a ma ni, ko kan kɔ kan ni sɔ a chia ma chɛndɛ chɛ. Yiinatɛ chɛndɛ yian‑da wan mmɔ a, min mbe mmɔ ma sawan Yataa tena.